Fréttaefni á Rás 2
Fréttir kl.12:20
 |
Útvarpsfréttir.
Hádegisfréttir 3. desember 2020
Flutt 03.12.2020
Skrifað verður undir samning Íslands við framleiðanda bóluefnis Pfizer í næstu viku um kaup á bóluefni sem dugar fyrir 85 þúsund einstaklinga. Heilbrigðisráðherra vonast eftir því að markmiðum bólusetningar verði náð fyrir lok mars á næsta ári.
Sóttvarnalæknir segir ótímabært að gera ráð fyrir að bólusetning hefjist fljótlega eftir áramótin, ánægjulegt væri ef svo yrði. Fjórtán manns greindust innanlands í gær, allir í sóttkví nema einn.
Það er háflóð í hádeginu á Norðurlandi og mjög hásjávað. Talsverður viðbúnaður er í höfnum og hafnarstarfsmenn vakta báta og annan búnað.
Ýmist má reikna með norðanstormi, hvassviðri eða hríðarveðri á landinu í dag og á morgun og allt að 12 stiga frosti. Þá eru vegir víða ófærir eða lokaðir á Vesturlandi, Vestfjörðum, Norðurlandi og Austurlandi.
Allt stefnir í metnotkun á heitu vatni hér á landi um helgina. Orkumálastjóri segir að Veitur þurfi að fara yfir kerfin .
Ólafur Helgi Kjartansson, fyrrverandi lögreglustjóri á Suðurnesjum, er kominn í leyfi frá störfum sínum í dómsmálaráðuneytinu vegna rannsóknar héraðssaksóknara.
Lögreglan á Austurlandi leitar að Arnari Sveinssyni en síðast var vitað um ferðir hans í Berlín í september. Leitin beinist að ákveðnum svæðum í borginni og er í samstarfi við þýsku lögregluna.
Yfirmaður sóttvarnastofnunar Bandaríkjanna er hræddur um að næstu mánuðir verði þeir erfiðustu í sögu heilbrigðisþjónustunnar vestra - áður en bólusetningar fari að hafa áhrif. Verðandi forseti Bandaríkjanna óttast að allt að 250 þúsund til viðbótar kunni að deyja úr COVID-19 þar í landi á næstu vikum
Hádegisfréttir 2. desember 2020
Flutt 02.12.2020
Spáð er frosti og jafnvel hörkufrosti um allt land, fram yfir helgi. Norðanátt með talsverðri snjókomu og skafrenningi norðanlands og austan. Nokkrir fjallvegir eru lokaðir.
Hitaveitur biðja fólk að fara sparlega með heita vatnið. Hætt er við að skammta þurfi það á höfuðborgarsvæðinu.
Óvissustig er á Súðavíkurhlíð vegna snjóflóðahættu.
Sextán greindust með kórónuveiruna innanlands í gær, þar af voru fimm ekki í sóttkví.
Forseti Alþingis segir að þingið hljóti að taka alvarlega þá gagnrýni sem kemur fram í niðurstöðu Mannréttindadómstóls Evrópu, um hvernig staðið var að atkvæðagreiðslu um skipan dómara í Landsrétt á sínum tíma.
Um tuttugu börn á leikskóla Seltjarnarness verða skimuð fyrir berklum eftir að grunur um smit kom upp hjá einstaklingi sem hafði viðkomu á leikskólanum.
Bretar hafa samþykkt bóluefni Pfizers og BioNTechs við kórónuveirunni, fyrstir þjóða. Vonast til að bólusetning geti hafist í Bretlandi síðar í þessum mánuði, jafnvel í næstu viku.
Lokið var við að farga um 600 fjár á bænum Syðri-Hofdölum í Skagafirði í gær. Matvælastofnun hafnaði ósk bænda um að niðurskurður yrði stöðvaður því ekkert smit greindist í um 160 gripum af bænum sem komust í návígi við smitaðan hrút.
Hádegisfréttir 1. desember 2020
Flutt 01.12.2020
Yfirdeild Mannréttindadómstóls Evrópu staðfesti í morgun niðurstöðu dómstólsins í Landsréttarmálinu síðan í mars í fyrra.
Sigríður Andersen segir dóminn og niðurstöðuna pólitískt at. Áslaug Arna Sigurbjörnsdóttir dómsmálaráðherra segir niðurstöðuna vonbrigði en að hún sé tekin alvarlega og leggjast þurfi yfir hvort hún kalli á breytingar.
Niðurstaðan staðfestir áfellisdóm Hæstaréttar yfir vinnubrögðum fyrrverandi dómsmálaráðherra. Þetta er mat lagaprófessors. Dómurinn virðist eiga að vera fordæmisgefandi fyrir önnur Evrópuríki, til að mynda Pólland, Ungverjaland og Tyrkland. Landsréttardómararnir fjórir sem ráðherra skipaði á sínum tíma hafi ekki verið rétt skipaðir.
Átján greindust með COVID-19 innanlands í gær og sjö þeirra voru ekki í sóttkví. Einn lést af völdum COVID-19 á Landspítalanum í gær og nú hafa tuttugu og sjö látist úr sjúkdómnum hér á landi.
Heilbrigðisráðherra hefur framlengt núgildandi reglugerð um samkomutakmarkanir um eina viku og sóttvarnaráðstafanir verða því óbreyttar til 9. desember.
Ríkisstjórar í Bandaríkjunum boða hertar aðgerðir til að reyna að draga úr kórónuveirusmitum og óttast aukið álag á sjúkrahúsum ef fer sem horfir.
Björgunar-sveitir eru víða í start-holunum en búist er við leiðindaveðri næstu tvo sólarhringa eða svo. Veðurfræðingur segir slæmt veður vera í kortunum fram á föstudag og björgunarsveitarmaður hvetur fólk til að forðast ferðalög.
Íslenska kvennalandsliðið í fótbolta gæti áður en dagurinn er á enda tryggt sér þátttökurétt í lokakeppni EM. Ísland mætir Ungverjalandi í lokaleik sínum í undankeppninni á eftir.
Hádegisfréttir 30. nóvember 2020
Flutt 30.11.2020
Samdráttur í landsframleiðslu varð meiri hér á landi á þriðja ársfjórðungi en í nokkru öðru landi Evrópu. Algjört hrun í ferðaþjónustu skýrir þetta segir lektor í hagfræði við Háskólann í Reykjavík. Líkur séu á að höggið nú verði jafnvel þyngra en í bankahruninu.
Sóttvarnayfirvöld hvetja landsmenn til að fækka jólaboðum og hafa þau minni í sniðum en venjulega. Sóttvarnalæknir segir ekki rými til almennra tilslakana og gerir ráð fyrir að stjórnvöld tilkynni um næstu aðgerðir í dag eða á morgun.
Rúmlega 60% þeirra fyrirtækja og stofnana sem eiga að vera komin með jafnlaunavottun fyrir áramót, eru komin með slíka vottun.
Ástralar krefjast afsökunarbeiðni frá Kínverjum vegna færslu á Twitter sem vísar til meintra stríðsglæpa ástralskra hermanna í Afganistan. Forsætisráðherra Ástralíu segir færsluna svívirðilega og Kínverjum til minnkunar.
Óvenju margir fálkar hafa fundist dauðir eða deyjandi hér á landi í nóvember. Fuglafræðingur telur líkur á því að rjúpnaleysi sé um að kenna.
Kim Kielsen tapaði í gærkvöld fyrir Erik Jensen í formannskjöri í grænlenska stjórnarflokknum Siumut. Hann er þó enn formaður landsstjórnarinnar.
Hádegisfréttir 29. nóvember 2020
Flutt 29.11.2020
Tíu greindust með kórónuveiruna í gær. Þar af voru átta þegar í sóttkví. Rögnvaldur Már Ólafsson aðstoðaryfirlögregluþjónn almannavarna telur ekki að Víðir Reynisson hafi brotið sóttvarnareglur um síðustu helgi.
Þyrla Landhelgisgæslunnar hefði getað nýst í leitarstörf við Móskarðshnjúka í gærkvöld. Engin beiðni hefur borist um aðstoð þyrlunnar en formaður Landsbjargar segir að ekki séu kallaðar til bjargir sem ekki eru í boði.
Bæjarstjóri Garðabæjar segir að allar eineltisáætlanir bæjarins séu í stöðugri endurskoðun. Tvö alvarleg eineltismál hafa komið í upp bænum á síðustu misserum.
Aðgerðum eþíópíska stjórnarhersins í Tigray-héraði er lokið eftir að herinn náði borginni Mekelle á sitt vald. Enn er þó spenna þar sem stjórnvöld leita uppi stjórnarandstæðinga sem neita að gefast upp.
Formannskosning er í grænlenska stjórnarflokknum Siumut á landsþingi í Nuuk í dag. Ólga hefur í flokknum og óánægja með Kim Kielsen, formann.
Kórónuveirufaraldurinn setur mark sitt á hátíðahöld í dag, á fyrsta sunnudegi í aðventu. Engin formleg dagskrá verður á Austurvelli í kvöld þegar kveikt verður á ljósum Óslóartrésins.
Hádegisfréttir 28. nóvember 2020
Flutt 28.11.2020
Kórónuveirusmitum heldur áfram að fjölga, 21 greindist með veiruna í gær. Meirihlutinn var í sóttkví. Sóttvarnalæknir segir að faraldurinn sé nú í línulegum vexti.
Flugvirkjar Landhelgisgæslunnar sneru aftur til starfa í morgun eftir að lög voru sett á verkfall þeirra í gær. Að óbreyttu verður aftur hægt að kalla út björgunarþyrlu á morgun.
Heilbrigðisstarfsfólk og íbúar á hjúkrunar- og dvalarheimilum fá fyrstir bólusetningu við COVID-19. Heilbrigðisráðherra hefur skilgreint tíu forgangshópa sem verða bólusettir fyrst.
Rúnu Guðmundsdóttur voru í gær dæmdar ein komma þrjár milljónir í bætur vegna heimilisofbeldis fyrrverandi sambýlismanns. Mistök lögreglu urðu til þess að sakamál á hendur manninum hlaut aldrei efnislega meðferð fyrir dómstólum
Forseti Írans saka Ísraelsmenn um að bera ábyrgð á morðinu á fremsta kjarnorkuvísindamanni Írans í gær og segir að árásinni verði svarað.
Eigendur verslunarinnar Kjarvals á Kirkjubæjarklaustri, sem verður lokað um áramót, segjast vilja vinna áfram með þeim sem opni nýja verslun á staðnum.
Hádegisfréttir 27. nóvember 2020
Flutt 27.11.2020
Ríkisstjórnin hefur ákveðið að setja lög á verkfall flugvirkja hjá Landhelgisgæslunni. Kjarafundur skilaði ekki árangri í gær. Dómsmálaráðherra segir málið varða almannaöryggi.
20 greindust með kórónuveiruna í gær og var rúmlega helmingur þeirra, eða 11, ekki í sóttkví. Sóttvarnalæknir vill endurskoða tillögur um sóttvarnir.
Donald Trump Bandaríkjaforseti kveðst víkja úr Hvíta húsinu fari svo að meirihluti kjörmanna greiði Joe Biden atkvæði. Hann er þó ekki á því að játa sig sigraðan og ber við víðtækum kosningasvikum.
Heilbrigðiseftirlit Reykjavíkur vill að almenningi verði bannað að kaupa stóra flugelda og segir það tímaskekkju að skapaðar séu heilsuspillandi aðstæður af mannavöldum, eingöngu í skemmtanaskyni.
Einu matvöruversluninni á Kirkjubæjarklaustri verður lokað um áramót. Næsta verslun er í 70 kílómetra fjarlægð og oddviti Skaftárhrepps segir að þetta færi þjónustustigið mörg ár aftur í tímann.
Allir helstu vegir á landinu eru nú orðnir færir, en vetrarfærð er víðast hvar, snjóþekja og hálka.
Hádegisfréttir 26. nóvember 2020
Flutt 26.11.2020
Ellefu greindust með kórónuveiruna innanlands í gær. Átta voru ekki í sóttkví. Sóttvarnalæknir hefur áhyggjur af þróuninni og gæti endurskoðað tillögur sínar til heilbrigðisráðherra um takmarkanir innanlands.
Menntamálaráðherra segir að stjórnvöld ætli að gera allt sem í þeirra valdi stendur til að tryggja framhaldsskólanemendum staðnám og veita þeim sömu undanþágur og nemendum á unglingastigi. Formaður velferðarnefndar Alþingis segir að hlusta verði á neyðarkall frá foreldrum framhaldsskólanema.
Veður fer versnandi við Faxaflóa, Breiðafjörð og á Vestfjörðum. Viðbúið er að það nái hámarki síðdegis og verði í hámarki fram til miðnættis. Veðrið fer ekki að lagast fyrr en undir laugardagsmorgun.
Samninganefndir flugvirkja og ríkisins hafa setið á fundi hjá ríkissáttasemjara frá klukkan níu í morgun og reynt að binda enda á verkfall flugvirkja. Engin björgunarþyrla er tiltæk á landinu og verður ekki næstu tvo sólarhringa í það minnsta.
Forsætisráðherra Eþíópíu hefur fyrirskipað hernum að ráðast inn í borgina Mekele í Tigray-héraði. Frestur sem gefinn var Þjóðfrelsisfylkingu Tigray til að gefast upp rann út í gærkvöld.
Argentínska knattspyrnumannsins Diegos Maradona er minnst um allan heim. Ítalska félagið Napoli er með til skoðunar að breyta nafni heimavallar síns í nafn Maradona.
Hádegisfréttir 25. nóvember 2020
Flutt 25.11.2020
Ríkissáttasemjari hefur boðað samninganefndir ríkisins og flugvirkja hjá Landhelgisgæslunni til samningafundar í dag. Ekkert þyrluútkall hefur verið það sem af er degi, en ljóst er að engin björgunarþyrla verður til taks frá miðnætti, í tvo sólarhringa hið minnsta.
Appelsínugul og gul veðurviðvörun er fyrir allt vestan- og norðanvert landið næsta sólarhringinn. Það hvessir með slyddu og snjókomu á vestanverðu landinu seinnipartinn í dag og færð getur versnað snögglega.
Joe Biden, verðandi forseti Bandaríkjanna, fékk ríflega 80 milljónir atkvæða í kosningunum fyrr í þessum mánuði eða fleiri en nokkur annar til þessa.
Framkvæmdastjóri Krabbameinsfélagsins telur ekki hægt að segja til um hvort viðurkenning á bótaskyldu í máli konu, þar sem mistök voru gerð við krabbameinsskimun, gefi fordæmi í málum fleiri kvenna sem telja sig hafa fengið ranga greiningu hjá félaginu.
Sjö greindust með kórónuveiruna innanlands í gær. Fimm voru ekki í sóttkví. .
Formaður BHM segir jákvætt að tekjutenging atvinnuleysisbóta hafi verið framlengd. Það sé hins vegar áhyggjuefni að þeim fari fjölgandi sem fullnýti rétt til atvinnuleysisbóta.
Hádegisfréttir 24. nóvember 2020
Flutt 24.11.2020
Sóttvarnalæknir segir ákveðið hættutímabil fram undan og því ríði á að landamæraskimun verði í lagi. Níu greindust með smit innanlands í gær.
Ríkisstjórnin ræddi í morgun hugsanlega lagasetningu á verkfall flugvirkja hjá Landhelgsigæslunni. Dómsmálaráðherra ræddi við forstjóra Gæslunnar í morgun.
Umdæmislæknir sóttvarna á Vestfjörðum vissi ekki betur en að skipstjóri Júlíusar Geirmundssonar hefði siglt til lands eftir símtal þeirra á fyrstu dögum veiðiferðar. Læknirinn sagði, í sjóprófi í gær, að það væri ekki í sínum verkahring að sjá til þess að fólk færi í sýnatöku.
Yfirlæknir smitsjúkdómadeildar Landspítalans segir erfitt að leggja mat á hugsanlegar aukaverkanir af völdum bóluefna við Covid-19. Aukaverkanir komi oftast í ljós eftir að almenn bólusetning hefst.
Þýskt fyrirtæki sem hefur keypt jörðina Hjörleifshöfða, áformar að nýta vikur úr Kötlu sem íblöndunarefni í sementsvinnslu.
Joe Biden, verðandi forseti Bandaríkjanna, hefur fengið formlega heimild til að hefja undirbúning að valdaskiptum í janúar. Stofnun sú sem hefur umsjón með því ferli hefur viðurkennt Biden sem sgurvegara kosninganna fyrr í þessum mánuði.
Skip á vegum loðnuútgerðarinnar hefur verið við rannsóknir undan Norðurlandi síðustu daga. Skipstjórinn segir að komin sé loðna þar upp á landgrunnið.
Hádegisfréttir 23. nóvember 2020
Flutt 23.11.2020
Bóluefni lyfjaframleiðandans AstraZeneca við kórónuveirunni sýnir 70 prósenta virkni eða meðaltali. Stefnt er að því að byrja að bólusetja með því í Bretlandi strax á þessu ári. Sóttvarnalæknir hefði viljað sjá meiri virkni í bóluefninu.
Þrír greindust með kórónuveiruna innanlands í gær og þar af voru tveir í sóttkví.
Sautján eru á vitnalista í sjóprófi sem nú fer fram í Héraðsdómi Vestfjarða vegna smits um borð í togaranum Júlíusi Geirmundssyni í október.
Velferðarnefnd Alþingis ætlar að óska eftir upplýsingum frá forsætisráðuneytinu, um hvert umfang rannsóknar á vistheimilum geti orðið.
Flóttamannastofnun Sameinuðu þjóðanna varar við hörmulegum afleiðingum þess að hætta mannúðaraðstoð við Afganistan.
Íslensk uppsjávarskip sigla nú 300 mílna leið á Færeyjamið þar sem kolmunnaveiðin er hafin á ný. Þetta verður verkefni útgerðanna fram undir jól.
Hádegisfréttir 22. nóvember 2020
Flutt 22.11.2020
Í fyrsta sinn síðan 11. september greindist ekkert kórónuveirusmit utan sóttkvíar. Fimm greindust í gær, öll í sóttkví. Yfirmaður smitrakningarteymis almannavarna segir stöðuna mjög góða.
Maður sem var grunaður um kókaínsmygl fyrir tveimur árum varð af samvistum við kasólétta konu sína þegar hann sat í einangrun og dauðvona föður sinn þegar hann var í farbanni. Hann var svo sýknaður og hefur nú krafið ríkið um 40 milljónir í bætur.
Formaður Flugvirkjafélags Íslands segir að ef löggjafinn telji þörf á að setja lög á verkfall flugvirkja hjá Landhelgisgæslunni sé það ekki í þeirra höndum. Hlutverk félagsins sé að endurnýja kjarasamninga.
Velferðarnefnd ræðir á morgun hver á að sjá um rannsókn á aðbúnaði fatlaðs fólks í gegnum árin í kjölfarið á fréttaflutningi um Arnarholt. Forsætisráðherra segist vera reiðubúin til samstarfs um það, hvað þarf til í slíka rannsókn ráðist af umfanginu og hvernig hún verður afmörkuð.
Mjólkursykur fer enn til spillis hjá Mjólkursamsölunni og rennur til sjávar. Tafir hafa orðið á stórfelldri vínandaframleiðslu úr honum í verksmiðju fyrirtækisins á Sauðárkróki.
Fjórir íslenskir þjálfarar verða með lið á HM í handbolta sem fram fer í Egyptalandi í janúar. Halldór Jóhann Sigfússon hefur verið ráðinn landsliðsþjálfari Barein.
Hádegisfréttir 21. nóvember 2020
Flutt 21.11.2020
Formaður samtaka ferðaþjónustunnar segir að það hefði mátt útvíkka hlutabótaleiðina. Ekki megi bíða mikið lengur en til febrúar til að fá svör um sóttvarnaraðgerðir á landamærunum. Aðstoðarframkvæmdastjóri samtaka atvinnulífsins kallar eftir meiri fyrirsjáanleika í sóttvarnaraðgerðum innanlands.
Fimmtán greindust með kórónuveirusmit innanlands í gær, þar af tveir utan sóttkvíar.
Smitstjúkdómalæknir segir að lyfið remdisivir, sem alþjóðaheilbrigðismálastofnunin hefur mælt gegn notkun á, hafi gefið góða raun hér á landi. Læknar muni leggjast yfir niðurstöður stofnunarinnar.
Sérfræðingar óttast að fátækari ríki heims verði aftar í röðinni til að tryggja sér bóluefni gegn COVID-19. Meirihluti þeirra skammta sem þegar hefur verið seldur fór til efnameiri ríkja heims.
Fjármálaráðherra segir að skoða þurfi mjög vel hvort matvöruverð hafi hækkað umfram innistæðu og það sé áhyggjuefni ef svo sé.
Sex stjórnmálaflokkar sem eiga sæti á Alþingi skiluðu hagnaði á árinu 2019 og fjárhagsstaða þeirra er mun betri en árið 2018. Langstærstur hluti teknanna kemur úr opinberum sjóðum.
Lögregla þarf að leita að færri týndum börnum nú en fyrir faraldurinn, en leitarbeiðnum fjölgar þó vegna þess að hvert barn týnist oftar. Neysla lyfseðilskyldra lyfja hefur minnkað og hörð fíkniefnaneysla sömuleiðis.
Bændur í Danmörku fjölmenntu á traktorum í miðborgir Kaupmannahafnar og Árósa í dag til að mótmæla fyrirskipun um að aflífa skuli alla minka í landinu vegna COVID-19.
Hádegisfréttir 20. nóvember 2020
Flutt 20.11.2020
Tíu greindust með kórónuveirusmit innanlands í gær. Af þeim voru fjórir utan sóttkvíar.
Framkvæmdastjóri Samtaka verslunar og þjónustu vísar fullyrðingum ASÍ um að matvöruverð hafi hækkað umfram tilefni, til föðurhúsanna. Skýringin á hærra verði sé veiking krónunnar og launahækkanir.
Endurtalning atkvæða í Georgíu leiddi í ljós að Joe Biden sigraði Donald Trump, en með minni mun en áður hafði verið tilkynnt. Kæru Repúblikana í Arizona var vísað frá.
Lögreglan á höfuðborgarsvæðinu handtók í gær tvo menn grunaða um brennu, líkamsárásir og hótanir. Opinberar skærur hafa verið á milli manna í undirheimunum.
Verkmenntaskólann á Akureyri vantar 40 milljónir króna á þessu ári og 60 á því næsta til að vera rekstrarhæfur. Skólameistari vill ekki kenna hækkun á húsleigu alfarið um hallann en ríkið hækkaði húsaleigu skólans um 157% á síðasta ári.
Yfir níu milljónir hafa smitast af kórónuveirunni á Indlandi. Slæmt ástand er í höfuðborginni og grafreitir að fyllast.
Það er hátíð í Giljaskóla á Akureyri sem hlaut í dag viðurkenningu sem réttindaskóli UNICEF á alþjóðadegi barna.
Rannsókn er hafin á því hvers vegna opinber Instagram-síða páfans setti hjarta við mynd af fáklæddri brasilískri fyrirsætu.
Hádegisfréttir 19. nóvember 2020
Flutt 19.11.2020
Fjórir greindust með kórónuveirusmit innanlands í gær. Þar af voru tveir í sóttkví. Sóttvarnalæknir segir að hægt og bítandi verði hægt að aflétta takmörkunum.
Engar vísbendingar eru um að smit sem greindist í skólabílstjóra á Héraði hafi náð að dreifa úr sér. Yfir 40 manns fara í seinni sýnatöku á morgun.
12 árum eftir að Borgarspítalinn tók við rekstri Arnarholts, var þar enn ófriðarbál. Starfsmenn söfnuðu þá undirskriftum og kröfðust þess að tiltekinn starfsmaður yrði rekinn.
Borgarstjóri segir ósanngjarnt að Reykjavík sé eina sveitarfélag landsins sem fái ekki greitt úr jöfnunarsjóði sveitarfélaga með nemendum af erlendum uppruna. Borgin krefur ríkið um 8,7 milljarða vegna þessa.
Ráðamenn í Eþíópíu saka yfirmann Alþjóðaheilbrigðismálastofnunarinnar um stuðning við uppreisnarmenn í Tigray-héraði og að hjálpa til við að útvega vopn. Enn geisa þar harðir bardagar.
Samtök íslenskra skíðasvæða ræða nú við sóttvarnayfirvöld um leiðir til að geta opnað brekkurnar fyrir skíðafólki. Snjór hleðst í brekkur en bannað að hleypa fólki í lyfturnar miðað við núverandi reglur.
Hádegisfréttir 18. nóvember 2020
Flutt 18.11.2020
Seðlabankinn lækkaði stýrivexti í morgun. Þeir eru nú 0,75 prósent og hafa aldrei verið lægri. Seðlabankastjóri óttast að ferðaþjónustan rétti ekki úr kútnum fyrr en langt verður liðið á næsta ár.
Velferðarnefnd Alþingis er einhuga um að ráðist verði í rannsókn á aðbúnaði í Arnarholti og á öðrum vistheimilum. Ekki er þó samstaða um hver skuli rannsaka.
Ellefu greindust með kórónuveiruna innanlands í gær. Tveir voru ekki í sóttkví. Um 30 börn á Héraði eru komin í sóttkví eftir að skólabílstjóri sem ekur um sveitir greindist með COVID. Austurland er ekki lengur smitlaust.
Nýjar reglur um sóttvarnir tóku gildi á miðnætti. Hárgreiðslustofur á höfuðborgarsvæðinu opnuðu á ný eftir að hafa verið lokaðar í sex vikur.
Morens Jensen, matvæla- og landbúnaðarráðherra Danmerkur, sagði af sér í dag, vegna minkamálsins. Hann sagði við danska ríkisútvarpið að hann nyti ekki lengur trausts þingsins, og slíkt gengi ekki.
Kaupmaður á Akureyri til fimmtíu ára segir mikilvægt að rýmka opnunartíma í byrjun desember til að forðast mannmergð í jólaösinni. Hann segir að gott sokkapar og ný brók sé jólagjöfin í ár.
Ísland mætir Englandi í lokaleik liðanna í Þjóðadeildinni. Leikurinn verður síðasti leikur liðsins undir stjórn Eriks Hamrén.
? Hádegisfréttir 17. nóvember 2020
Flutt 17.11.2020
Aðeins einn af þeim sjö sem greindust með kórónuveiruna innanlands í gær var utan sóttkvíar. Ánægjulegt, segir sóttvarnalæknir. Á morgun taka tilslakanir gildi.
Hætt verður að rukka fyrir sýnatöku á landamærunum um mánaðamót. Fjallað var um málið í ríkisstjórn í morgun.
Um þriðjungur allra grunnskólanemenda á landinu fékk sérkennslu á síðasta skólaári. Formaður Félags íslenskra sérkennara segir að ástæðan sé oftast hegðunarerfiðleikar og vanlíðan. Búast við að þörfin fyrir sérkennslu haldi áfram að aukast meðan aðgengi að sálfræðiþjónustu fyrir börn sé takmarkað.
Borgarfulltrúar í borgarstjórn Reykjavíkur árið 1971 vildu að skipuð yrði opinber rannsóknarnefnd til þess að rannsaka aðbúnað á vistheimilinu Arnarholti. Þetta kemur fram í skjölum um umræður í borgarstjórn frá þeim tíma, sem trúnaði var létt af í síðustu viku.
Erindreki Sameinuðu þjóðanna segir hörmungar blasa við í Tigray í Eþíópíu, daglega fari þúsundir manna yfir landamærin til Súdans. Forseti Eþíópíu boðaði í morgun lokasókn stjórnarhersins gegn Þjóðfrelsisfylkingu Tigray.
Þýska lögreglan hefur handtekið þrjá menn grunaða um aðild að skartgripaþjófnaði úr safni í Dresden í fyrra. Umfangsmiklar lögregluaðgerðir hafa verið í Berlín í morgun.
Hádegisfréttir 16. nóvember 2020
Flutt 16.11.2020
Tveir nýir veirustofnar hafa fundist að undanförnu sem hafa valdið tveimur nýjum hópsýkingum. Þórólfur Guðnason, sóttvarnalæknir, segir það bendir til þess að stofninn hafi náð að komast fram hjá kerfinu. Níu greindust með kórónuveiruna innanlands í gær. Þrír þeirra voru ekki í sóttkví
Nýtt bóluefni frá bandaríska lyfjaframleiðandanum Moderna veitir 95 prósenta vörn gegn COVID-19 samkvæmt niðurstöðum prófana sem kynntar voru nú rétt fyrir hádegi.
Borgarskjalavörður hefur í samráði við borgarlögmann aflétt trúnaði af umræðum um vistheimilið Arnarholt í borgarstjórn árið 1971. Borgarlögmaður telur að lagaskylda um aðgengi almennings að gögnunum vegi þyngra en fyrirvari um trúnað.
Staðfest kórónuverusmit í Bandaríkjunum eru komin yfir ellefu milljónir, dauðsföll af völdum COVID-19 nálgast þar 250.000. Víða er enn verið að herða aðgerðir til að draga úr smithættu, þar á meðal í Þýskalandi þar sem faraldurinn hefur færst í aukana að undanförnu.
Eldsneytisskortur til hreyfla, mögulegt reynsluleysi flugmanna á tiltekna tegund flugvéla og skortur á eldsneytisútreikningum urðu til þess að flugvél brotlenti við flugvöllinn í Múlakoti þannig að þrír létust og tveir slösuðust alvarlega.
Réttarhöld vegna hryðjuverkaárásar í járnbrautarlest fyrir fimm árum eru að hefjast í París í dag. Snarræði farþega kom þar í veg fyrir manntjón.
Ný könnun sýnir að Íslendingar lesa eða hlusta á tvær og hálfa bók að meðaltali í hverjum mánuði. Þetta er mesti lestur sem mælst hefur síðan farið var að kanna bóklestur þjóðarinnar. Þeim sem hvorki lesa né hlusta á bækur hefur fækkað síðan í fyrra.
Karlalandsliðið í fótbolta tapaði á grátlegan hátt gegn Danmörku í Þjóðadeild Evrópu í gærkvöldi. Annan leikinn í röð fékk liðið á sig sigurmark í uppbótartíma.
Hádegisfréttir 15. nóvember 2020
Flutt 15.11.2020
Þrjú COVID-19 smit greindust innanlands í gær. Þau hafa ekki verið færri í rúma tvo mánuði.
Slæmar húsnæðisaðstæður eins og á Landakoti, sem stuðluðu að meiri dreifingu kórónuveirunnar þar, er álíka á mörgum öðrum heilbrigðisstofnunum landsins að mati aðstoðarmanns forstjóra Landspítalans. Framkvæmdastjóri hjúkrunar segir að húsnæði spítalans sé úrelt.
Sóttvarnalæknir segir að lengi hafi verið vitað að húsnæði Landakots væri ekki nægilega gott til að vernda sjúklinga gegn farsóttum.
Tíu Covid nítján sjúklingar létust og sjö slösuðust í eldsvoða á gjörgæsludeild sjúkrahúss í Rúmeníu í gærkvöld. Sakamálarannsókn er hafin á brunanum.
Aðgerðir Seðlabankans skila sér ekki til þeirra sem koma verst undan faraldrinum, að mati aðalhagfræðings Kviku banka. Afrakstur efnahagsaðgerðanna sé þess í stað geymdur í steypu.
Tuttugu voru handtekin þegar stuðningsmönnum og andstæðingum Donalds Trump laust saman í Washington í gærkvöld.
Einnar mínútu þagnarstund verður haldin upp úr klukkan tvö í dag til minningar um þá sem hafa látið lífið í umferðinni.
Aron Einar Gunnarsson, landsliðsfyrirliði í fótbolta, segir að það hafi tekið leikmenn liðsins nokkurn tíma að jafna sig á vonbrigðunum eftir tapið gegn Ungverjum á fimmtudag. Ísland mætir Danmörku í Þjóðadeildinni í kvöld.
Hádegisfréttir 14. nóvember 2020
Flutt 14.11.2020
Sautján ný innanlandssmit kórónuveirunnar greindust í gær. Tólf þeirra voru í sóttkví.
Grunur var kominn upp um kórónuveirusmit á Landakoti þegar sjúklingur þar var sendur með sjúkrabíl í Stykkishólm. Maðurinn reyndist síðar smitaður af Covid 19. Yfirlæknir segir að hvorki hafi reglur um sóttkví né gæðareglur spítalans verið brotnar.
Sóttvarnalæknir segir ósanngjarnt að skylda þá sem hafa fengið Covid-19 til að bera andlitsgrímur. Nýjar sóttvarnareglur taka gildi í næstu viku og þá getur fólk sem hefur fengið sjúkdóminn framvísað sérstöku vottorði til að sleppa við grímuskyldu.
Fleiri Covid 19 smit greindust á Ítalíu og Þýskalandi í gær en nokkru sinni áður á einum degi. Álagið á heilbrigðiskerfið er farið að segja til sín í tveimur héruðum á Ítalíu.
Donald Trump Bandaríkjaforseti nefndi í fyrsta sinn í gærkvöld þann möguleika að hann verði ekki við völd á næsta kjörtímabili. Hann hefur þó ekki játað sig sigraðan í forsetakosningunum. Stuðningsmenn hans ætla að koma saman í Washington í dag.
Nýja sveitarfélagið Múlaþing fær næstum 1,3 milljarða frá jöfnunarsjóði vegna sameiningarinnar. Hálfur milljarður fer í að lækka skuldir.
Borgarstjóri felldi Óslóartréð í Heiðmörk í morgun. Óvíst er hvort hægt verður að fagna fyrsta sunnudegi í aðventu með hefðbundnum hætti á Austurvelli í Reykjavík í ár.
Erik Hamrén ætlar að hætta sem þjálfari íslenska karlalandsliðsins í fótbolta eftir leikina gegn Danmörku og England í vikunni. Aron Einar Gunnarsson landsliðsfyrirliði segir að tíð meiðsli leikmanna liðsins hafi gert Hamrén erfitt fyrir.
Hádegisfréttir 13. nóvember 2020
Flutt 13.11.2020
Slakað verður á sóttvarnaraðgerðum frá og með 18. nóvember, að sögn heilbrigðisráðherra. Hárgreiðslu- og nuddstofur fá að opna, og dregið verður úr fjöldatakmörkunum í skólum svo opna megi framhaldsskóla að hluta. Samkomutakmarkanir miðast áfram við tíu manns.
Átta greindust með kórónuveiruna innanlands síðasta sólarhringinn. Sex voru utan sóttkvíar.
Trump Bandaríkjaforseti heldur því fram að tæplega þremur milljónum atkvæða í bandarísku forsetakosningunum hafi verið eytt. Ekkert styður þessa eða aðrar fullyrðingar forsetans um kosningasvik, að mati nefndar sem sá um skipulagningu kosninganna.
Landspítali hefur lítið svigrúm til að fjölga þungunarrofsaðgerðum, segir yfirlæknir á kvennadeild. Kostnaður við aðgerðirnar getur hlaupið á hundruðum þúsunda króna.
Mannréttindastjóri Sameinuðu þjóðanna hvetur til rannsóknar á fjöldamorðum í Tigray-héraði í Eþíópíu, sem hún segir flokkast undir stríðsgæpi ef rétt reynist.
Forstjóri flugfélagsins Ernis segir ljóst að lög hafi verið brotin þegar Vegagerðin gekk til samninga við Norlandair um flug milli Reykjavíkur og Bíldudals og Gjögurs.
Aðstoðarþjálfari karlalandsliðsins segir tapið á móti Ungverjalandi í gær verða sárt fyrir leikmenn það sem eftir er. Nú þurfi liðið hins vegar að sleikja sárin og halda áfram enda tveir erfiðir leikir framundan.
Hádegisfréttir 12. nóvember 2020
Flutt 12.11.2020
Sóttvarnalæknir er bjartsýnn á að hægt verði að hefja bólusetningu gegn COVID-19 á fyrri hluta næsta árs. 18 ný kórónuveirusmit greindust í gær og voru fjögur þeirra utan sóttkvíar. Einn lést af völdum COVID-19 á hjúkrunarheimilinu Sólvöllum
Fjármálaráðherra segir ekki auðvelt að kveða upp úr um hvort meðalhófs hafi verið gætt með hörðum sóttvarnaaðgerðum stjórnvalda. Það megi hins vegar alltaf hafa skoðun á hvort dansað hafi verið á línunni.
Á morgun verður ákveðið fyrir Héraðsdómi Reykjaness hvort sjópróf fer fram í máli skipverja Júlíusar Geirmundssonar og hvort skipsbók togarans skuli afhent. Lögreglan á Vestfjörðum hefur lokið skýrslutöku af áhöfninni.
Bændur í Skagafirði hafa andmælt niðurskurði vegna riðu. Matvælastofnun hefur frest til mánudags til að bregðast við.
Danska stjórnin er harðlega gagnrýnd fyrir að hafa fyrirskipað að farga öllum minkum í landinu án þess að hafa til þess heimild í lögum. Staða landbúnaðarráðherra er völt.
Háskólastúdentar segja óábyrgt af Háskóla Íslands að ætla að halda lokapróf fyrir mörg hundruð nemendur í einu í húsnæði skólans. Stúdentar kanna nú stöðu sína.
Það er ögurstund hjá karlalandsliðinu í fótbolta í kvöld þegar liðið mætir Ungverjalandi í Búdapest í umspili um sæti á EM. Sigurlið kvöldsins kemst í lokakeppnina en tapliðið situr eftir með sárt ennið.
Hádegisfréttir 11. nóvember 2020
Flutt 11.11.2020
Lýsingar starfsfólks í Arnarholti eru skelfilegar og nístandi, segir borgarstjórinn í Reykjavík. Farið verði yfir málið - og nauðsynlegt sé að kanna hvort rannsaka þurfi aðbúnað á fleiri vistheimilum.
Þrír eru á gjörgæslu með Covid-19, þar af einn á sjúkrahúsinu á Akureyri. Sóttvarnalæknir segist vilja sjá færri smit á hverjum degi, nokkrar litlar hósýkingar hafa greinst, en það sé jákvætt - ef hægt er að rekja smitin saman.
Framkvæmdastjóri Samtaka ferðaþjónustunnar telur að breytt fyrirkomulag við skimun á landamærum - sé forsenda þess að efnahagsbati náist á næsta ári. Starfshópur fjármálaráðuneytisins hefur lagt fram þrjár tillögur þess efnis.
Formaður Samfylkingarinnar segir að leið forsætisráðherra um breytingar á stjórnarskránni hafi mistekist. Hann býst við miklum átökum á Alþingi - þegar rætt verður um auðlindamálið.
Engin riða hefur greinst í dýrum á Syðri-Hofdölum í Skagafirði, aðeins í aðkomuhrút sem var þar í skemmri tíma. Landbúnaðarnefnd vill stöðva fyrirhugaðan niðurskurð á bænum.
Lögreglan í Ástralíu hefur bjargað tugum barna úr klóm níðinga - og handtekið fjórtán menn í tengslum við rannsókn máls - sem teygir anga sína til fleiri landa í öðrum heimsálfum.
Einn stærsti netverslunardagur ársins er haldinn í dag. Dagur einhleypra eða Singles day er asískur siður sem hefur rutt sér til rúms hér á landi seinustu ár.
Þjálfari ungverska karlalandsliðsins í fótbolta er með Covid-19 og getur ekki stýrt liði sínu í umspilsleiknum mikilvæga gegn Íslandi í Búdapest annað kvöld.
Hádegisfréttir 10. nóvember 2020
Flutt 10.11.2020
Einn lést af völdum Covid-19 á Landspítalanum á síðasta sólarhring. Ellefu innalandssmit greindust í gær og hafa ekki færri í nærri tvo mánuði. Þórólfur Guðnason sóttvarnalæknir segir að niðurstöður rannsókna á nýju bóluefni lofi góðu.
Stjórnarandstaðan í Danmörku hefur krafist afsagnar landbúnaðarráðherrans eftir að í ljós kom að ekki er lagaheimild til að fyrirskipa að öllum minkum í landinu verði lógað. Óvissa er um framhaldið.
Tilraun til netárásar truflaði netsamband fjölda viðskiptavina Vodafone í tæpar fimmtíu mínútur í gær.
Kýótó-bókunin um að takmarka losun gróðurhúsalofttegunda rennur út um áramótin. Íslandi hefur ekki tekist að standa við skuldbindingar sínar og þarf því að kaupa mikið af losunarheimildum.
Tilraunastöð Háskóla Íslands að keldum getur greint um 400 riðusýni á viku. Nokkur þúsund sýni bíða greiningar og mikið álag á starfsfólk.
Rússneskt friðargæslulið er á leið til Nagorno-Karabakh eftir að Armenar og Aserar sömdu um vopnahlé í gærkvöld. Aserar hrósa sigri eftir samkomulagið, en mikil reiði er í Armeníu.
Hælisumsóknum hefur fækkað um fjórtán prósent það sem af er ári, miðað við sama tímabil í fyrra.
Kröflulína þrjú, ný háspennulína milli Kröfluvirkjunar og Fljótsdalsstöðvar, verður ekki tilbúin fyrr en í vor. Faraldurinn hefur tafið framkvæmdir um nokkra mánuði.
Hádegisfréttir 9. nóvember 2020
Flutt 09.11.2020
Fimm létust af völdum COVID-19 um helgina, þar af þrír í gær. Forstjóri Landspítalans segir að sjötti sjúklingurinn sé dauðvona. Hann gerir ráð fyrir að spítalinn verði færður af neyðarstigi í þessari viku, staðan sé þó enn þung.
Sextán ný kórónuveirusmit greindust innanlands í gær og tveir þeirra sem greindust voru ekki í sóttkví.
Kórónuveirutilfelli í heiminum eru komin yfir fimmtíu milljónir, flest í Bandaríkjunum. Í Utah hefur verið lýst yfir neyðarástandi vegna faraldursins.
Aðeins eitt smit greindist utan sóttkvíar á Norðurlandi eystra um helgina. Mikið álag er á Sjúkrahúsinu á Akureyri og má búast við því að innlögnum vegna COVID-19 fjölgi áfram í vikunni.
Guðni Th. Jóhannesson forseti Íslands er laus úr sóttkví, hann greindist einkennalaus í seinni skimun.
Lögregla sinnti í nótt mörgum verkefnum þar sem veita þurfti sálrænan stuðning. Forstjóri Heilsugæslu höfuðborgarsvæðisins segir mikla aðsókn í sálfræðiþjónustu um þessar mundir.
Nokkrir fjárfestar hyggjast sameinast í einu félagi og gera yfirtökutilboð í Skeljung.
Lögfræðingur segir að laga þurfi lög um meðlagsgreiðslur, að breyttum umgengnisvenjum fráskilinna foreldra við börn sín. Löggjöf í málaflokknum á Íslandi sé úrelt og langt á eftir nágrannalöndum.
Fyrirtækið One Tree Planted ætlar að gróðursetja tré í Breiðdal fyrir næstum 50 milljónir króna. Skógræktarstjóri segir að áhugi fyrirtækja á kolefnisbindingu með skógrækt hafi aukist, en með því geta þau lækkað skattstofn sinn.
Íslenska karlalandsliðið í fótbolta verður án Arnórs Ingva Traustasonar í leiknum við Ungverjaland á fimmtudag. Kórónuveirusmit kom upp í liði Arnórs.
Hádegisfréttir 8. nóvember 2020
Flutt 08.11.2020
Tveir létust úr COVID-19 á Landspítalanum í gær. Jafnmargir hafa látist í fyrstu og þriðju bylgju faraldursins.
Joe Biden leggur höfuðáherslu á að sameina og sætta bandaríksku þjóðina. Hann flutti sigurræðu sína seint í gær ásamt Kamölu Harris sem verður fyrsta konan til að gegna embætti varaforseta í sögu Bandaríkjanna.
Tugir minnka verða skimaðir fyrir COVID á Íslandi á komandi vikum. Dýralæknir loðdýrasjúkdóma segir að skimun verði framhaldið í vetur.
Gamalt fólk á hjúkrunarheimilum hefur upplifað depurð nú þegar heimsóknir eru takmarkaðar. Aðstandendur eru hvattir til að nýta tæknina til að rjúfa einangrun og hjúkunarheimili aðstoða heimilisfólk við að hringja myndsímtöl
Hádegisfréttir 7. nóvember 2020
Flutt 07.11.2020
Enginn forsetaframbjóðandi hefur fengið fleiri atkvæði í sögu Bandaríkjanna en Joe Biden. Felstir telja tímaspursmál hvenær hann verður lýstur sigurvegari kosninganna.
Heiða Björg Hilmisdóttir var endurkjörin varaformaður Samfylkingarinnar í morgun með sextíu prósentum atkvæða. Hún lagði Helgu Völu Helgadóttur sem fékk fjörutíu prósent atkvæða. Forysta flokksins segir stóra verkefnið framundan að vinna alþingiskosningar að ári.
Bjarni Benediktsson fjármálaráðherra segir að tekjufallsstyrkir gagnist einyrkjum og smærri fyrirtækjum umfram stærri fyrirtæki.
Sóttvarnalæknir er ánægður með hvað almenningur tekur vel við sér og fer eftir tilmælum. Af 25 smitum í gær voru aðeins fimm utan sóttkvíar. Hæst hlutfall smita er á Norðurlandi eystra.
Forstjóri Barna-verndarstofu segir fyllstu ástæðu til að hafa áhyggjur af fjölgun tilkynninga til barna-verndarnefnda. Á fyrstu níu mánuðum ársins hefur þeim fjölgað um 14% frá þvi í fyrra. Um 40% þeirra komu frá nágrönnum.
Hádegisfréttir 6. nóvember 2020
Flutt 06.11.2020
Joe Biden hefur náð forystunni af Donald Trump í Georgíu í baráttunni um forsetaembættið í Bandaríkjunum. Talningu atkvæða þar er nánast lokið.
Hafrannsóknastofnun hefur óskað eftir samstarfi við útgerðir veiðiskipa um loðnumælingar í janúar og febrúar. Fjögur skip þarf í verkefnið og ber stofnunin af því allan kostnað.
Hönnun húsa stríðir gegn náttúrulögmálum og eftirliti með myglu er ábótavant, segir umhverfishagfræðingur. Rafsegulbylgjur hafi áhrif á mygluvöxt samkvæmt erlendum rannsóknum
Átta COVID-sjúklingar voru lagðir inn á Landspítalann í gærkvöld. Aðeins nítján smit greindust í gær. Meira en mánuður er síðan svo fá smit greindust og heil vika hefur nú liðið með tiltölulega fáum smitum.
Framkvæmdastjóri samtaka fyrirtækja í velferðarþjónustu óttast að áætlanir ríkisstjórnarinnar um að fjölga hjúkrunarrýmum gangi ekki eftir og vill fá skýrari áætlanir.
Eigendur rúmlega 260 smærri fyrirtækja sendu öllum þingmönnum bréf til að krefjast þess að brugðist verði við vanda þeirra. Kröfur hópsins eru í sautján liðum og þess er meðal annars krafist að aðgerðum verði hraðað.
Rúmlega sextíu þúsund lítrar af jólabjór seldust í Vínbúðum ÁTVR þegar salan hófst í gær og tvöfaldaðist á milli ára. Aldrei hafa fleiri tegundir af íslenskum jólabjór verið framleiddar.
Hádegisfréttir 5. nóvember 2020
Flutt 05.11.2020
Staðan í forsetakosningunum í Bandaríkjunum er enn afar tvísýn og óvíst hvort Donald Trump eða Joe Biden fari með sigur af hólmi. Staða Bidens er þó álitin betri.
Sóttvarnalæknir segir fregnir af stökkbreytingu kórónuveirunnar í dönskum minkum áhugaverðar og mögulegt áhyggjuefni. Hann hefur rætt málið við yfirdýralækni. 25 innanlandssmit voru greind hér á landi í gær.
Varaformaður þingflokks Miðflokksins gagnrýnir litla aðkomu Alþingis að sóttvarnarákvörðunum stjórnvalda og útvistun til þríeykisins. Heilbrigðisráðherra flutti þinginu skýrslu um sóttvarnaráðstafanir stjórnvalda nú rétt fyrir hádegi.
Veðurstofan hefur gefið út gular viðvaranir fyrir stóran hluta landsins.
Byrjað verður í dag að skera riðufé í Skagafirði.
Bíða þarf allt að fjóra mánuði frá krabbameinsskimun, þangað til niðurstaða fæst. Ástæðan er mikið álag vegna endurskoðunar eldri sýna.
Íslensk stjórnvöld eiga að viðurkenna sjálfstæði Nagorno Karabak að mati þingmanns Miðflokksins sem hefur verið þar að undnförnu.
Íslenska karlalandsliðið í handbolta byrjaði undankeppni EM af krafti í gær þegar það burstaði Litáen. Guðmundur Guðmundsson landsliðsþjálfari telur að markatalan geti skipt máli þegar upp verður staðið.
Hádegisfréttir 4. nóvember 2020
Flutt 04.11.2020
Úrslit forsetakosninganna í Bandaríkjunum eru enn ekki ljós og staðan er tvísýn í þeim ríkjum þar sem enn á eftir að fá niðurstöðu. Yfirlýsingar Trumps Bandaríkjaforseta í morgun um að hafa sigurinn í hendi hafa vakið hörð viðbrögð í herbúðum Demókrata.
Þýski varnarmálarmálaráðherrann varar við uppnámi í bandarísku samfélagi að loknum kosningum.
Utanríkisráðherra telur ólíklegt að það breyti nokkru um áhuga Bandríkjamanna á norðurslóðum eða samstarfi í NATO, hvor sem stendur uppi sem sigurvegari í forsetakosningunum. Hann telur ljóst að ólga verði í viðskiptamálum áfram hvernig sem kosningarnar fara.
Forstjóri Landspítalans telur mögulegt að spítalinn þurfi að vera lengur á neyðarstigi eftir að tveir starfsmenn greindust með kórónuveiruna í gær. Smtin gætu tengst hópsýkingunni á Landakoti.
29 greindust með kórónuveiruna innanlands í gær. Átta voru ekki í sóttkví.
Eftir að samkomureglur voru hertar hefur Grunnskóli Fjallabyggðar haldið uppi kennslu á unglingastigi á Sigló hóteli á Siglufirði. "Himnasending" segir skólastjórinn.
Persónuverndarfulltrúi Reykjavíkurborgar segir að einstakir starfsmenn sveitarfélaga fari býsna nálægt því að brjóta þagnarskyldu í þáttunum Fósturbörnum sem sýndir eru á Stöð 2.
Guðmundur Guðmundsson landsliðsþjálfari í handbolta býst við erfiðum leik á móti Litáen í kvöld. Ísland hefur þá leik í undankeppni EM.
Hádegisfréttir 3. nóvember 2020
Flutt 03.11.2020
Bandaríkjamenn kjósa sér forseta í dag. Ólíklegt er að úrslitin liggi fyrir í kvöld eða fyrramálið.
Úrslit liggja fyrir í tveimur þorpum í New Hampshire þar sem kjörstaðir voru opnaðir á miðnætti að staðartíma. Í öðru fékk Biden öll atkvæðin, en Trump mikinn meirihluta í hinu.
Fjórir létu lífið í hryðjuverkaárásinni í Vínarborg í gærkvöld auk árásarmanns sem lögregla skaut til bana. Lögregla leitar nú hugsanlegra vitorðsmanna. Árásin kom ekki á óvart, segir fastafulltrúi Íslands hjá Öryggis- og samvinnustofnun Evrópu í borginni.
Einn lést úr COVID-19 á Landspítalanum í gær. Sjö hafa því látist í þriðju bylgju faraldursins. 27 greindust í gær, stór hluti þeirra á Norðurlandi.
Formaður Menntasjóðs námsmanna hefur beðist lausnar eftir að dómari vék honum úr starfi sem skiptastjóri. Hann fékk eiginmann sinn til að selja eign þrotabúsins sem fór á sjötíu milljónum lægra verði en hafði verið boðið skömmu áður.
Lögreglan og björgunarsveitir aðstoða nú fólk í vanda í miklu hvassviðri á Fagradal. Þar hafa bílar fokið út af. Ekkert ferðaveður er á Austurlandi.
Hádegisfréttir 2. nóvember 2020
Flutt 02.11.2020
Donald Trump ætlar að lýsa yfir sigri að kvöldi kjördags, samkvæmt heimildum bandarískra fjölmiðla. Síðustu kannanir fyrir kjördag benda hins vegar til þess að Joe Biden hafi umtalsvert forskot á Trump.
Sóttvarnarlæknir vonar að hægt verði að byrja að aflétta takmörkunum eftir tvær vikur. 26 greindust með kórónuveiruna í gær. Einn sjúklingur lést af völdum COVID-19 síðasta sólarhring. Víðir Reynisson yfirlögregluþjónn segir ótrúlegt að viðskiptavinir verslana skuli sýna mótþróa varðandi grímuskyldu.
Fjórir liggja inni á Sjúkrahúsinu á Akureyri með COVID-19. Framkvæmdastjóri lækninga á sjúkrahúsinu á Akureyri, segir sjúkrahúsið sé betur undirbúið nú en í vor.
Hertar reglur um sóttvarnir í leik og grunnskólum taka gildi á morgun. Plássleysi í skólabyggingum gerir sumum skólum erfitt um vik að tryggja tveggja metra reglu við kennslu.
Ríflega 1,2 milljónir manna hafa dáið úr COVID-19 á heimsvísu og yfir 46 milljónir greinst með kórónuveiruyna.
Landsnet stendur í stórræðum á Austurlandi. Í dag og næstu daga verður stór hluti svæðisins aftengdur byggðalínunni með aukinni hættu á rafmagnstruflunum. Gul veðurviðvörun tekur gildi á Austfjörðum á morgun.
Hádegisfréttir sunnudaginn 1. nóvember 2020
Flutt 01.11.2020
Tveir sjúklingar hafa látist á Landspítalanum undanfarinn sólarhring vegna Covid 19. Þeir voru báðir á níræðisaldri.
24 greindust með kórónuveiruna í gær, þar af voru sjö ekki í sóttkví.
Hólfaskipting verður tekin upp í grunnskólum eftir helgi og takmarkanir gætu haft áhrif á eldri bekki grunnskóla og á unglingastigi. Ekki er gert ráð fyrir því að starf leikskóla raskist út af hertum sóttvarnaaðgerðum.
Talsvert var um að fólk væri grímulaust í búðum í gær og verslanir sinntu því sumar illa að fylgjast með því að grímuskyldu væri framfylgt, segir yfirlögregluþjónn.
Lögmaður fjölskyldu frá Senegal sem hefur búið á Íslandi í næstum sjö ár bindur vonir við að kærunefnd útlendingamála taki mál fjölskyldunnar upp aftur. Landsréttur hefur staðfest úrskurð Útlendingastofnunar um að veita fjölskyldunni ekki alþjóðlega vernd á Íslandi.
Maður stakk tvo til bana og særði fimm í árás í Quebec í gærkvöld. Hann er sagður hafa undirbúið þessa árás lengi, en ástæðan hennar er ekki ljós ennþá.
Minnst fimmtíu og einn er látinn í Izmir í Tyrklandi eftir jarðskjálftann í fyrradag. Varað hafði verið ítrekað við lélegri steypu í tveimur af byggingunum sem hrundu.
Leikið verður áfram í ensku úrvalsdeildinni í fótbolta þrátt fyrir að fjögurra vikna útgöngubann taki gildi í Bretlandi á fimmtudag. Þetta staðfesti Boris Johnson forsætisráðherra Bretlands í gær.
Hádegisfréttir 31. október 2020
Flutt 31.10.2020
Öllum eldri en fimm ára er skylt að bera grímu í verslunum og þar sem þjónusta er veitt, hvort sem hægt er að tryggja tveggja metra regluna eða ekki. Þetta stendur í reglugerð heilbrigðisráðherra sem tók gildi í nótt. Heimilt er að sekta þá sem brjóta reglur um grímunotkun.
Enn finnast lík í rústum húsa sem hrundu í jarðskjálftanum við strendur Tyrklands í gær. Mörg hundruð manns slösuðust og staðfestur fjöldi þeirra sem lést er nú 27.
56 greindust með veiruna í gær, sautján utan sóttkvíar. Hátt í tvö hundruð smit tengjast hópsýkingunni á Landakoti, segir sóttvarnarlæknir.
Biðin eftir atvinnuleysisbótum hefur styst úr tíu vikum í sex frá því í vor. Forstjóri Vinnumálastofnunar segir óraunhæft að stytta biðina meira.
Um þriðjungur Íslendinga segist hafa fengið rangar eða misvísandi upplýsingar um faraldurinn á samfélagsmiðlum.
Joe Biden kallaði stuðningsmenn Donalds Trump, sem reyndu að trufla fund hans í Minnesota í gær, ljótt fólk. Báðir forsetaframbjóðendur eru nú á ferð og flugi um Bandaríkin að sannfæra kjósendur.
Byssur eru komnar aftur í hillur verslunarkeðjunnar Walmart, daginn eftir að þær voru fjarlægðar.
Viðbrögð fólks hafa verið misjöfn við því að Íslandsmótin í fótbolta voru blásin af í gær. Valsmenn urðu Íslandsmeistarar við þetta og þeir brutu samkomutakmarkanir í fagnaðarlátunum. Víðir Reynisson segir það vonbrigði.
Hádegisfréttir 30. október 2020
Flutt 30.10.2020
Landakoti hefur verið breytt í neyðarsjúkrahús til að takast á við hópsýkinguna þar. Náist ekki að hefta útbreiðslu faraldursins verða sjúkrahús landsins í afleitri stöðu.
Ríkisstjórnin kynnir hertar sóttvarnaraðgerðir á blaðamannafundi klukkan eitt. 75 greindust innanlands í gær, 15 voru utan sóttkvíar. Smit eru nú í öllum landshlutum.
Hagvöxtur jókst umtalsvert víða um heim á þriðja fjórðungi þessa árs, en vegur þó ekki upp mikinn samdrátt á fyrri hluta ársins vegna áhrifa faraldursins.
Það stefnir í hörð átök í breska Verkamannaflokknum eftir að Jeremy Corbyn, fyrrverandi leiðtogi flokksins var rekinn úr honum.
Forsetaframbjóðendurnir vestanhafs verða á ferð og flugi í dag til að reyna að ná til kjósenda fyrir kjördag í næstu viku. Áttatíu milljónir hafa þegar greitt atkvæði í kosningunum.
Umhverfisstofnun mælir með því að fé sem lóga á í Skagafirði verði allt flutt í sorpeyðingarstöð á Reykjanesi í lokuðum gámum. Brennslan gæti tekið allt að þrjá mánuði.
Allt að fimm hundruð störf gætu skapast á Bakka við Húsavík verði áform fyrirtækisins Carbon Iceland, um lofthreinsiverksmiðju, að veruleika.
Hádegisfréttir 29. október 2020
Flutt 29.10.2020
Sóttvarnalæknir ætlar að leggja til hertar aðgerðir við heilbrigðisráðherra í dag. Einn lést af völdum Covid-19 síðasta sólarhring.
Næstfjölmennasta hópsmitið tengist Ölduselsskóla í Reykjavík. Meðal þeirra sem smitast hafa eru 23 nemendur og sjö kennarar. Kennsla hófst í morgun með hertum sóttvarnaaðgerðum.
Þrír eru látnir eftir hryðjuverkaárás í Nice í Frakklandi í morgun. Maður vopnaður hnífi réðst að vegfarendum fyrir utan kirkju í borginni.
Maður sem leitað var að í Stafafellsfjöllum í gærkvöld og í nótt fannst á ellefta tímanum í morgun heill á húfi. Smalar komu auga á manninn og létu björgunarsveitarmenn vita.
Heilbrigðisráðherra segir endurgreiðslur ferðakostnaðar vegna heilbrigðisþjónustu hafa aukist síðustu ár. Enn er þó kostnaðarsamara fyrir fólk utan af landi heldur en á höfuðborgarsvæðinu að sækja sér heilbrigðisþjónustu.
Vel gekk að koma togaranum Drangi á flot í morgun. Skipið sökk við bryggju á Stöðvarfirði á sunnudagskvöld.
Hádegisfréttir 28. október 2020
Flutt 28.10.2020
Áttatíu og sex greindust með COVID hér á landi í gær. Einstaklingur á níræðisaldri lést í gær af völdum COVID og hafa þá tólf látist í faraldrinum hér. Aukinnar svartsýni gætir hjá Þórólfi Guðnasyni sóttvarnalækni, sem segist ekki sjá fram á afléttingu aðgerða.
Faraldurinn virðist vera í töluverðum vexti á Norðurlandi eystra en þar eru nú 51 í einangrun. Lögreglan hefur óskað eftir því að allir sem heimsóttu veitingastaðinn Berlín síðastliðinn laugardag gefi sig fram.
Lögreglan á Vestfjörðum hefur tekið skýrslu af tuttugu og þremur skipverjum á togaranum Júlíusi Geirmundssyni.
Íslenskt fyrirtæki sem sérhæfir sig í fjarheilbrigðiskerfum fékk nýverið tæplega þriggja milljarða fjármögnun. Forstjórinn segir að þörf fyrir fjarheilbrigðiskerfi sé enn meiri nú þegar heimsfaraldur geisar.
Tyrkir hóta hörðu vegna skopmyndar af Erdogan Tyrklandsforseta á foríðu franska tímaritisins Charlie Hebdo. Forseti Írans varar fólk við því að smána spámannin Múhameð og segir það geta leitt til átaka og blóðsúthellinga.
Yfir tvö þúsund almennir borgara féllu í stríðinu í Afganistan fyrstu níu mánuði ársins. Enn geisa þar harðir bardagar þrátt fyrir samkomulag Talibana og Bandaríkjamanna.
Hádegisfréttir 27. október 2020
Flutt 27.10.2020
Sóttvarnalæknir segir að nú sé krítískur tími í faraldrinum og að brugðið geti til beggja vona. Um níutíu smit hafa verið rakin til hópsýkingar á Landakoti.
Lögreglan á Vestfjörðum stefnir að því að klára í dag að yfirheyra alla almenna skipverja á Júlíusi Geirmundssyni. Fimm stéttarfélög ætla að kæra málið til lögreglu og vilja að sjópróf verði haldin.
Bændur á þremur bæjum í Skagafirði fá úr því skorið seinna í dag hvort skera þurfi þar hátt í tvö þúsund vegna riðu. Héraðsdýralæknir reiknar með niðurstöðum frá fleiri bæjum næstu daga.
Æ fleiri börn í Jemen búa við alvarlegan næringarskort samkvæmt nýrri skýrslu Sameinuðu þjóðanna. Skortur er á fjármagni til hjálparstarfs í landinu.
Skaðabótamálum þriggja kvenna, sem telja sig hafa fengið ranga niðurstöðu úr leghálsskimun hjá Krabbameinsfélaginu hefur verið vísað til tryggingafélags Krabbameinsfélagsins. Lögmaður þeirra hefur einnig til skoðunar mál þriggja annarra kvenna, sem telja sig hafa fengið rangar niðurstöður úr brjóstaskimun.
Byggingafulltrúinn í Reykjavíkurborg segir að lögregla hafi ekki svarað ítrekuðum fyrirspurnum borgarinnar um að fá leyfi til að fjarlægja húsið við Bræðraborgarstíg 1 sem brann í sumar. Hann segir að húsið hættulegt, ekki sé óhætt að bíða lengur með að rífa það.
Hádegisfréttir 26. október 2020
Flutt 26.10.2020
Fjöldi smita næstu daga mun ráða úrslitum um hvort núverandi sóttvarnaaðgerðir verða framlengdar segir sóttvarnalæknir. 50 greindust með kórónuveiruna í gær. Forstjóri Landspítala býst við erfiðri stöðu þar næstu tvær vikur, á spítalanum er nú 51 sjúklingur með COVID-tengd einkenni.
Lögreglan á Vestfjörðum rannsakar mál skipverjanna á togaranum Júlíusi Geirmundssyni sem sakamál. Rannsóknin er á frumstigi.
Héraðsdýralæknir á Norðurlandi vestra segir óvíst hvernig fara skuli með sauðfé sem fargað verður í Skagafirði. Riða greindist í fénu í síðustu viku. Hann segir brýnt að fá skýrari leiðbeiningar frá ráðuneytinu.
Joe Biden, forsetaframbjóðandi Demókrata, segir að Donald Trump Bandaríkjaforseti hafi gefist upp í baráttunni gegn kórónuveirunni.
Unnið verður að því í dag að fyrirbyggja olíuleka og frekara tjón á togaranum Drangi sem sökk í höfninni á Stöðvarfirði í gærmorgun.
Tuttugu og fimm ár eru í dag frá því að snjóflóð féll á Flateyri og tuttugu fórust.
Börn og ungmenni fædd 2004 og fyrr geta hafið íþróttaæfingar á höfuðborgarsvæðinu á ný í dag. Framkvæmdastjóri ÍSÍ segir flókið að hefja æfingar yngri aldurshópa en stefnt sé að þeim í næstu viku.
Katrín Tanja Davíðsdóttir vann silfurverðlaun á heimsleikunum í CrossFit sem lauk í Bandaríkjunum í gærkvöldi. Leikarnir voru með breyttu sniði vegna kórónaveirufaraldursins.
Hádegisfréttir 25. október 2020
Flutt 25.10.2020
Framkvæmdastjóri Hraðfrystihússins Gunnvarar segir fyrirtækið hafa gert þau reginmistök að hafa ekki samband við Landhelgisgæsluna þegar veikindi komu upp um borð í Júlíusi Geirmundssyni þar sem nær öll áhöfnin smitaðist af COVID. Hann getur ekki svarað því af hverju ekki hafi verið farið að tilmælum læknis um að fara beint í sýnatöku þegar skipstjóri hafði samband eftir að fyrst varð vart veikinda í upphafi veiðiferðar.
Sjávarútvegsráðherra segir augljóst að stjórnendur Hraðfrystihússins Gunnvarar hefðu átt að taka á veikindum um borð í Júlíusi Geirmundssyni með allt öðrum hætti en gert var.
Um sextíu smit hafa verið rakin til hópsýkingar á Landakoti. Sóttvarnalæknir segir líklegt að fleiri smit muni greinast. Þrjátíu og fimm eru á spítala með sjúkdóminn.
Togarinn Drangur sökk í Stöðvarfjarðarhöfn í morgun. Talsverð olía lekur frá skipinu en vonast er til að hægt verði að dæla henni upp án þess að mikið tjón verði.
Önnur bylgja faraldursins í Rússlandi gæti orðið tíu sinnum verri en sú fyrri, að mati þarlends smitsjúkdómalæknis. Óttast er að á næstunni verði fjöldi smita dag hvern kominn í tuttugu þúsund.
Íslendingar hafa ekki staðið sig nóg vel sem samfélag í því að tryggja jafnt aðgengi að heilbrigðisþjónustu óháð búsetu, segir forstjóri Sjúkratrygginga Íslands.
Hádegisfréttir 24. Október
Flutt 24.10.2020
Um 30 liggja nú Covid-smitaðir á Landspítala sem er það mesta í þessari bylgju faraldursins. 16 sjúklingar og tíu starfsmenn hafa greinst smitaðir á Landakoti og tíu þeirra voru fluttir þaðan á Borgarspítalann í gær. Framkvæmdastjóri meðferðarsviðs byst við að hópsýkingin nái út fyrir Landspítala.
Kennari, sem fékk lausnarlaun vegna veikinda, hefur komist að samkomulagi við ríkislögmann um bætur upp á 5,6 milljónir. Honum var hafnað um vinnu eftir að hann jafnaði sig.
Þrátt fyrir að breska þingið hafi í vikunni fellt frumvarp þess efnis að börn í efnalitlum fjölskyldum fái matarmiða í haustfríi í næstu viku, verða börnin ekki án matar. Þökk sé Marcus Rashford, leikmanni Manchester United.
Sundmaðurinn Anton Sveinn McKee bætti í morgun Íslands- og Norðurlandametið í 200 metra bringusundi.
Hádegisfréttir 23. október 2020
Flutt 23.10.2020
30 greindust með innanlandssmit í gær og hafa ekki færri greinst síðan í lok september. Smitstuðullinn er að skríða undir einn en prófessor í líftölufræði segir að fara verði varlega í að hrósa happi.
Starfsfólk og einn sjúklingur á öldrunarlækningadeild Landakots hafa greinst með kórónuveirusmit. Þar stendur yfir nú umfangsmikil skimun og lokað hefur verið fyrir heimsóknir.
Minnihlutinn í Hafnarfirði leggst eindregið gegn sölu á hlut bæjarins í HS orku.
Vonast er til að Ísland verði í dag tekið af gráum lista FATF, alþjóðlegra samtaka gegn peningaþvætti og fjármögnun hryðjuverka.
Fækkun starfa síðustu mánuði er alfarið bundin við einkageirann og á sama tíma hefur opinberum störfum fjölgað. Þetta kemur fram í nýrri greiningu Samtaka iðnaðarins.
Donald Trump og Joe Biden deildu hart hvor á annan í síðari kappræðunum fyrir forsetakosningarnar í næsta mánuði. Þeir voru þó nokkuð hófstilltari en í fyrri sennunni.
Engin sértæk tilmæli hafa enn komið frá sóttvarnayfirvöldum um hvort óhætt sé fyrir rjúpnaskyttur að fara á milli landshluta. Níu dagar eru í upphaf veiða og enn gilda almenn tilmæli um að fólk fari ekki út á land nema erindið sé brýnt.
Daði Freyr og Gagnamagnið verða fulltrúar Íslands í Eurovision söngvakeppninni í Rotterdam í maí. Engin forkeppni verður haldin, en tónlistardagskrá verður í Sjónvarpinu í febrúar og mars.
Hádegisfréttir 22. október 2020
Flutt 22.10.2020
33 kórónuveirusmit greindust innanlands í gær. Af þeim sem greindust voru 20 í sóttkví. Þórólfur Guðnason segir að sóttin sé að láta undan, en lítið megi út af bregða til að hún blossi ekki upp.
Þrjátíu og átta eru í nú einangrun á Norðurlandi eystra, en smitum hefur fjölgað hratt þar undanfarna daga.
Bretar hafa náð bráðabirgðasamkomulagi við EFTA-ríkin um viðskipti eftir að Bretar yfirgefa Evrópusambandið endanlega um áramótin,
Riðan á Ökrum í Skagafirði hefur áhrif á búskap sauðfjárbænda í Eyjafirði sem eru í sama varnarhólfi. Skagfirskir og eyfirskir bændur hafa í gegnum árin fengið kynbótagripi frá Ökrum.
Fjögur einkafyrirtæki hafa boðið heilbrigðisyfirvöldum húsnæði til að létta álagi af Landspítalanum.
Rut Guðnadóttir hlaut í dag Íslensku barnabókaverðlaunin fyrir bókina Vampírur, vesen og annað tilfallandi.
Veðurstofan varar við stormi sunnanlands í dag og í nótt.
Lögmaður Bandaríkjaforseta kemur fyrir í nýrri kvikmynd um sjónvarpsmanninn Borat. Þar sést hann liggja á rúmi á hótelherbergi með ungri konu.
Hann segir atriðið falsað.
Hádegisfréttir 21. október 2020
Flutt 21.10.2020
Náttúruhamfaratryggingu Íslands hafa borist nokkrar tilkynningar vegna tjóns í stóra jarðskjálftanum í gær, og er gert ráð fyrir tugmilljóna tjóni vegna hans. Fjölmargir eftirskjálftar hafa mælst, þar af 140 jarðskjálftar yfir 2 að stærð.
45 ný innanlandssmit greindust í gær, 24 voru ekki sóttkví. Sóttvarnalæknir telur að faraldurinn vera á niðurleið en minnir á að viðureignin haldi áfram
Ekki er hætta talin á að kórónuveiran geti borist með afla Júlíusar Geirmundssonar og verður hann því meðhöndlaður með hefðbundnum hætti. Nítján skipverjar reyndust smitaðir.
Mælt verður fyrir frumvarpi um nýja stjórnarskrá á Alþingi í dag, í fjórða sinn. Flutningsmaðurinn er hóflega bjartsýnn um að málið nái fram að ganga.
Bandaríkjaforseti, hætti í miðju viðtali við fréttaskýringaþáttinn 60 mínútur í gær og veittist svo í tístum og á kosningafundi að Leslie Stahl sem tók viðtalið.
Heilbrigðisstofnanir taka oft á sig kostnað við að fá þjónustu sérgreinalækna út í umdæmin þó það sé ekki þeirra hlutverk, segir forstjóri Heilbrigðisstofnunar Norðurlands.
Danska lögreglan segir að Peter Madsen hafi fengið hjálp við að flýja úr fangelsi í gær, þar sem hann afplánar lífstíðardóm fyrir að myrða sænsku blaðakonuna Kim Wall.
Knattspyrnusamband Íslands gefur í dag út leikáætlun fyrir endasprett Íslandsmótanna í fótbolta. Tvær umferðir eru eftir í úrvalsdeild kvenna og fjórar í úrvalsdeild karla. Öllum mótum þarf að ljúka fyrir 1. desember.
Hádegisfréttir 20. október 2020
Flutt 20.10.2020
62 kórónuveirusmit greindust í gær. Þar af var rúmur helmingur utan sóttkvíar, sem er hærra hlutfall en verið hefur síðustu daga.
Þótt óvissa um sóttvarnaráðstafanir kunni að vera slæm er mikilvægt að vanda til verka við ákvarðanir um skólastarf, segir framkvæmdastjóri almannavarnarnefndar höfuðborgarsvæðisins. Næstu vikur fer íþróttastarf í skólum aðeins fram úti og skólasund fellur niður. Þó er heimilt að opna líkamsræktastöðvar.
Gunnar Jóhann Gunnarsson var í morgun dæmdur í þrettán ára fangelsi fyrir að hafa orðið hálfbróður sínum að bana í Noregi í fyrra.
Sýni verða tekin í dag úr áhöfn togarans Júlíusar Geirmundssonar á Ísafirði. Meirihluti skipverja hefur greinst með COVID-19.
Sóltún öldrunarþjónusta hefur boðist til þess að taka við 77 sjúklingum af Landspítalanum og koma þeim fyrir á hóteli við Grensásveg.
Það að stjórnvöld hafi ekki birt 300 alþjóðasamninga sem Ísland á aðild að er hneyksli, segir lagaprófessor. Einn þeirra er alþjóðaheilbrigðisreglugerðin sem vísað er í í sóttvarnalögum. Þess vegna er lagastoðin fyrir aðgerðum á landamærum takmörkuð, segir hann.
Slökkt verður á hljóðnemum í kappræðum forsetaframbjóðenda í Bandaríkjunum á fimmtudagskvöld nema þegar þeir hafa orðið. Fyrri kappræður þeirra einkenndust af gífuryrðum og frammíköllum.
Óvenju mörg illviðri hafa geisað á Atlantshafi í ár og stefnir í að fleiri stormar fái eigið nafn en nokkru sinni fyrr.
Hádegisfréttir 19. október 2020
Flutt 19.10.2020
Sóttvarnalæknir segir faraldurinn virðast vera á niðurleið en þó sé engin ástæða til að slaka á. Hann sagði á upplýsingafundi Almannavarna í dag að fólk smitaðist einna helst innan fjölskyldna og á vinnustöðum. 42 smit greindust í gær.
Frank Jensen, borgarstjóri Kaupmannahafnar, sagði í morgun óvænt af sér og lýsti því yfir að hann hætti þátttöku í stjórnmálum. Jensen hefur viðurkennt að hafa áreitt konur kynferðislega og beðist afsökunar.
Formaður Sjálfstæðisflokksins segir ekki eiga að þrýsta í gegn breytingum á stjórnarskránni náist ekki samstaða. Sjálfur segist hann ekki sjá í stjórnarskránni rót einhvers vanda sem við er etja í dag. Rúmlega 41 þúsund manns hafa skráð sig í undirskriftasöfnun þar sem þess er krafist að stjórnarskráin sem samþykkt var í þjóðaratkvæðagreiðslu 2012 verði lögfest.
Íbúi á Akureyri sem fer tvisvar á ári með börn sín til læknis í Reykjavík segist aðeins fá brot af kostnaði vegna þessa endurgreiddan. Sjúkratryggingar Íslands endurgreiði aðeins ferðakostnað, ekki vinnutap.
Það skýrist væntanlega í vikunni hvort tekst að bæta tekjutap Strætó vegna COVID án þess að skerða þjónustu. Tekjur vegna fargjalda hafa dregist saman um 800 milljónir króna.
Hólmfríður Magnúsdóttir, ein leikja- og markahæsta landsliðskona Íslands í fótbolta, segist stolt af því að hafa verið valin í liðið á ný eftir þriggja og hálfs árs fjarveru.
Hádegisfréttir 18. október 2020
Flutt 18.10.2020
Útlit er fyrir að Covid-faraldurinn sé að hægja á sér hér á landi, að mati farsóttarnefndar og viðbragðsstjórnar Landspítalans. Innlögnum á spítalann hefur ekki fjölgað mikið en búist er við að það breytist í næstu viku.
52 greindust innanlands með COVID-19 í gær. Af þeim var 41 í sóttkví. Staðfest smit í landinu eru nú komin yfir fjögur þúsund.
Þriðjungur allra kórónuveirusmita greinast nú í Evrópu, flest í Frakklandi og Bretlandi. Staðfest smit á heimsvísu eru nú komin yfir fjörtíu milljónir.
Bæði borgarstjóri Kaupmannahafnar og þingflokkur Radikale Venstre bregðast síðar í dag við ásökunum um kynferðislega áreitni. Danskir miðlar segja að þetta gæti reynst örlagaríkur dagur í dönskum stjórnmálum.
Donald Trump bandaríkjaforseti réðist í gærkvöld harkalega gegn Joe Biden, frambjóðanda Demókrata, á fjölmennum kosningafundum. Kvennamótmæli í bandarískum borgum í gærkvöld beindust víða gegn forsetanum.
Minnihlutinn í sveitarstjórn Vopnafjarðar harmar að meirhlutinn hafi leyft niðurrif á gamalli rafstöð eftir Sigvalda Thordarson arkitekt. Minjastofnun biður húsinu griða og segir ekki næg rök fyrir niðurrifi.
Flestar heiðagæsir ættu að vera flognar af íslensku heiðunum til vetrarstöðva sinna á Bretlandi. Náttúrufræðistofnun Íslands kannar nú um helgina hvort einhverjar hafi orðið eftir hér á landi.
Hádegisfréttir 17. október 2020
Flutt 17.10.2020
Tæplega 4000 manns hafa greinst með Covid á Íslandi síðan í lok febrúar og um 40.000 verið í sóttkví á einhverjum tímapunkti. Langflestir þeirra sem greindust í gær voru í sóttkví.
Átján einstaklingar og eitt fyrirtæki hafa verið sektuð fyrir brot á sóttvarnarlögum síðan faraldurinn hófst. Tugir hafa farið í ákæruferli hjá lögreglu og eru nokkur mál til rannsóknar.
Verkamannaflokkur Jacindu Ardern á Nýja-Sjálandi vinnur stórsigur í þingkosningum í dag og getur myndað meirihlutastjórn án annarra flokka. Þetta er besti árangur Verkamannaflokksins í kosningum í hálfa öld.
Upphæð umsókna um greiðslu hluta launakostnaðar á uppsagnarfresti er komin yfir tíu milljarða króna. Félög tengd Icelandair Group taka langmest til sín.
Formaður Sjálfstæðisflokksins kveðst sammála þeim áhyggjum sem Ásmundur Friðriksson þingmaður flokksins hefur af kostnaði vegna hælisleitenda. Íslendingar þurfi þó að taka þátt í að axla ábyrgð á að hjálpa fólki á flótta.
Kennaranum sem var myrtur í París í gær höfðu borist margar líflátshótanir, eftir að hafa rætt skopmyndir af Múhammeð spámanni í kennslustund. Morðinginn var átján ára Tétjeni.
Hádegisfréttir 16. október 2020
Flutt 16.10.2020
Einn lést á Landspítalanum í gær af völdum COVID-19. Þetta er fyrsta dauðsfallið í þessari bylgju faraldursins. Tíu létust í vor. 67 innanlandssmit greindust í gær. Allir 18 sem greindust á landamærum í fyrradag eru með virk smit.
Heilbrigðisráðherra gerir ráð fyrir að þær sóttvarnaaðgerðir sem eru í gangi nú verði framlengdar um einhverjar vikur. Líklega verður þó meira samræmi í aðgerðum um landið allt.
Fjármálaráðherra tilkynnir í dag aðgerðir til að koma smærri fyrirtækjum til aðstoðar.
Áttatíu prósent listamanna hafa misst hluta eða öll laun sín í faraldrinum, samkvæmt nýrri könnun BHM.
Faraldurinn rýkur upp í Evrópu og metfjöldi smita greinist í fjölda ríkja dag eftir dag. Frakkar hafa lýst yfir neyðarástandi en útgöngubann tekur gildi í mörgum stærstu borgum landsins í kvöld.
Tveir karlmenn á Akureyri voru á miðvikudag úrskurðaðir í gæsluvarðhald, grunaðir um að hafa svipt ungan mann frelsi og hótað ættingjum hans ofbeldi.
Horfur á að viðskiptasamningur takist á milli Evrópusambandsins og Breta hafa minnkað. Boris Johnson sagði á tólfta tímanum að Bretar yrðu að búa sig undir að viðskiptin yrðu á grundvelli alþjóðlegra viðskiptasamninga.
Svo gæti farið að Íslandsmótið í fótbolta verði blásið af í dag, að sögn Guðna Bergssonar, formanns KSÍ. Það ræðst af reglugerð heilbrigðisráðherra um sóttvarnir í dag.
Hádegisfréttir 15. október 2020
Flutt 15.10.2020
Sextíu og fimm, af áttatíu og einum sem greindist með kórónuveirusmit í gær, voru í sóttkví. Það er mun hærra hlutfall en verið hefur síðustu daga en sóttvarnalæknir óttast að smitum haldi áfram að fjölga hratt á næstu dögum.
Kórónuveirufaraldurinn er í örum vexti víða um heim. Sjúkdómurinn sem veiran veldur hefur lagt að velli nærri eina komma eina milljón manns. Alls óvíst er hvenær eða hvort bóluefni gegn veirunni verður tiltækt.
Maður sem er grunaður um að hafa banað konu sinni í Sandgerði í vor hefur verið leystur úr gæsluvarðhaldi. Í nýrri matsgerð segja sérfræðingar vafa um að konan hafi verið myrt.
Verkfall starfsmanna álversins í Straumsvík hefst að óbreyttu á morgun. Formaður Hlífar segir þungt hljóð í starfsfólki álversins.
Viðskiptasamningur við Breta er á dagskrá leiðtogafundar ESB í Brussel í dag. Boris Johnson, forsætisráðherra Breta, hefur sagt að fundurinn sé síðasta tækifærið til að ganga frá samningi bandalagsins og Breta, sem segja endanlega skilið við ESB um áramótin.
Ákvæði kjarasamninga um starfslok við sjötugsaldur er ekki brot á stjórnarskrá, en Reykjavíkurborg var í gær sýknuð af kröfu kennara sem krafðist skaðabóta vegna starfsloka sökum aldurs.
Mikið hefur verið af norsk-íslenskri síld í landhelginni síðustu vikur og nær öll veiðin á vertíðinni verið stutt úti af Austfjörðum. Þetta er mikil breyting frá því sem verið hefur þegar flotinn hefur þurft að sækja síldina langt á haf út.
Hádegisfréttir 14. Október 2020
Flutt 14.10.2020
Sóttvarnalæknir segir ljóst að þriðja bylgja kórónuveirufaraldursins stefni í að verða stærri en sú fyrsta. Áttatíu og átta smit greindust innanlands í gær og helmingur þeirra sem greindust var í sóttkví. Nýgengi innanlandssmita er nú það hæsta sem mælst hefur hér á landi.
Starfsmaður á Kristnesspítala í Eyjafjarðarsveit er smitaður af kórónuveirunni. Rúmlega tuttugu starfsmenn og sjúklingar hafa verið settir í sóttkví og aðrir sjúklingar útskrifaðir.
Samherji hyggst koma á fót laxeldi á lóð og í byggingum Norðuráls í Helguvík. Kerskálar álversins hafa staðið ónotaðir allt frá því að þeir voru reistir árið 2008.
Utanríkisráðherra hefur rætt við sendifulltrúa Kína um gagnasöfnun þarlends fyrirtækis um 411 Íslendinga.
Stjórnvöld í Aserbaísjan vara Armena við því að ráðast á olíuleiðslur í landinu og segja að þeir muni gjalda það dýru verði. Alþjóða Rauði krossinn segir að tugir þúsunda Armena og Asera þurfi hjálp í vetur.
Um tuttugu prósenta samdráttur er í tekjum Vaðlaheiðarganga hf. fyrstu átta mánuði ársins og vantar þar tæpar sextíu milljónir króna. Þetta hefur áhrif á greiðslugetu félagsins af láni til ríkissjóðs. Greiðslur eiga að hefjast um mitt næsta ár.
Erik Hamrén og Freyr Alexandersson, landsliðsþjálfarar Íslands í fótbolta, fylgjast með landsleiknum við Belga í kvöld úr glerbúri á Laugardalsvelli. Nýtt þjálfarateymi verður á varamannabekk Íslands þar sem allt hefðbundið starfslið liðsins er í sóttkví.
Hádegisfréttir 13. október 2020
Flutt 13.10.2020
Þórólfur Guðnason sóttvarnalæknir vinnur nú að minnisblaði til heilbrigðisráðherra með tillögum að áframhaldandi sóttvarnir. Hann segir ólíklegt að þær verði hertar. Áttatíu og þrjú smit greindust innanlands í gær. 49 voru í sóttkví.
Almenna reglan er sú að þeir sem smitast af COVID-19 mynda mótefni segir smitsjúkdómalæknir. Ný bandarísk skýrsla greindi frá manni sem smitaðist tvívegis af kórónuveirunni.
Evrópusambandsríki hafa ákveðið að samræma reglur um ferðatakmarkanir vegna kórónuveirufaraldursins. Fleiri en nokkru sinni greindust smitaðir Rússlandi síðasta sólarhring.
Vegagerðin er með alla verkferla við malbikun þjóðvega til endurskoðunar, að sögn forstjóra Vegagerðarinnar. Í yfirlýsingu í dag segir að starfsmenn Vegagerðarinnar séu harmi slegnir vegna banaslyssins á Vesturlandsvegi.
Um sex af hverjum 10 telja mikilvægt að Íslendingar fái nýja stjórnarskrá á þessu kjörtímabili. Þetta kemur fram í nýrri könnun MMR sem var gerð í september.
Lífeyrissjóðurinn Gildi hyggst fjárfesta fyrir rúma þrjá milljarða króna í laxeldisfélaginu Arnarlaxi.
Matvælastofnun hefur stöðvað dreifingu á mjólk frá kúabúi í Hörgársveit, haughús á bænum voru yfirfull og flæddi út á heimreið.
Ríflega tíu milljónir manna hafa þegar greitt atkvæði í forsetakosningunum í Bandaríkjunum sem sérfræðingar telja að sé vísbending um að kjörsókn verði mikil. Bandaríkjaforseti hefur greinst laus við smit tvo daga í röð.
Hádegisfréttir 12. október 2020
Flutt 12.10.2020
Ríkislögreglustjóri og Neyðarlínan rannsaka nú hvers vegna ábending um eld í húsbíl, þar sem maður fannst látinn, skilaði sér ekki til lögreglu. Lögreglan vill ná tali af ökumanni sem vitni segir hafa verið við eldinn.
Þessi vika ræður úrslitum um hvort sóttvarnaaðgerðir skili tilætluðum árangri, segir sóttvarnarlæknir. Í gær greindust 50 smit innanlands og 60 daginn áður, en töluvert færri sýni voru tekin.
Bardagar halda áfram í Nagorno-Karabakh þrátt fyrir vopnahlé sem samið var um fyrir helgi.
Verði frumvarp dómsmálaráðherra um mannanöfn samþykkt, sem mælt verður fyrir á Alþingi í dag, verður mannanafnanefnd lögð niður og fólk fær að bera eins mörg nöfn og það vill.
Vinstriflokkurinn í Svíþjóð hefur fallist á að bíða með vantraust á ríkisstjórnina vegna boðaðra lagabreytinga sem flokkurinn segir að skerði rétt verkafólks. breytinga á lögum um vinnunmarkaðinn. Hægri flokkar í stjórnarandstöðu hafa lýst stuðningi við vanrauststillögu komi hún fram.
Formaður Þroskahjálpar fagnar sanngirnisbótum sem greiða á fötluðum einstaklingum sem voru vistaðir við illan kost á vegum ríkisins sem börn, en bendir á að enn eigi eftir að bæta skaða þeirra sem voru fullorðnir í vist.
Dæmdir glæpamenn virðast geta fengið vegabréf á Kýpur með aðstoð hátt settra embættismanna í landinu, þrátt fyrir yfirlýsingar stjórnvalda um bót og betrun.
11.10.2020
10.10.2020
? Hádegisfréttir 9. október 2020
Flutt 09.10.2020
Hver smitaður einstaklingur sem ekki er í sóttkví smitar að jafnaði þrjá aðra hér á landi. Prófessor í líftölfræði segir að hraðinn á smitunum sé mjög mikill. Það endurspegli mikla virkni og samskipti á milli fólks. 97 innanlandssmit greindust í gær.
Sóttvarnalæknir býst við að jafn margir greinist daglega með veiruna á næstu dögum. Farsóttarhúsið er komið að þolmörkum vegna fjölda smitaðra sem eru þar í einangrun.
Matvælaáætlun Sameinuðu þjóðanna fær friðarverðlaun Nóbels í ár. Rökin eru þau að án matar sé enginn friður.
Alcoa fjarðaál á Reyðarfirði hefur beint því til starfsmanna sinna að fara ekki til Reykjavíkur eða annarra áhættusvæða að nauðsynjalausu. Starfsmenn sem það gera skuli fara í launalausa sóttkví í 14 daga.
Fyrsti áfangi borgarlínunnar skilar 26 milljarða króna ábata umfram stofn- og rekstrarkostnað á þrjátíu árum, samkvæmt nýrri greiningu. Búist er við að línan valdi auknum umferðartöfum fyrir einkabíla á höfuðborgarsvæðinu, en að dauðsföllum í umferðinni fækki.
Íslenska karlalandsliðið í fótbolta vann frækinn sigur á Rúmenum í umspili fyrir EM í gærkvöld. Varnarmaðurinn Kári Árnason fer í myndatöku í dag til að kanna hvort hann hafi brotið bein í leiknum.
Veðurhorfur: Norðan- og norðvestanátt, fimm til þrettán metrar en þrettán til átján í vindstrengjum á Suðausturlandi og Austfjörðum. Dálítil rigning norðan- og austanlands, en slydda eða snjókoma til fjalla. Bjart með köflum sunnan- og vestanlands.
Lægir seinni partinn og styttir upp norðaustan til. Hæg breytileg átt á morgun og allvíða léttskýjað en vaxandi suðaustanátt og þykknar upp suðvestan til seint annað kvöld. Hiti þrjú til tíu stig að deginum, hlýjast á Suðausturlandi, en víða næturfrost inn til landsis.
Hádegisfréttir 8. október 2020
Flutt 08.10.2020
Sóttvarnalæknir gagnrýnir harðlega hugmyndir um að berjast við veiruna með hjarðónæmi og segir ótrúlegt að læknar erlendis haldi því á lofti. Níutíu og fjórir greindust innanlands í gær og eru nú nær 850 í einangrun með Covid-19.
Leifar af sýkla-, hjarta og geðlyfjum hafa fundist í mælanlegu magni í Kópavogslæk og Tjörninni í Reykjavík. Talið er líklegt að leifarnar leki úr gömlum holræsalögnum.
Stjórnir Frakklands, Þýskalands og víðar í Evrópu boða hertar aðgerðir eftir mikla fjölgun smita. Héraðsdómstóll í Madrid hafnaði hins vegar hertum aðgerðum á grundvelli mannréttinda borgaranna.
Bandaríska skáldkonan Lousie Glück hlýtur bókmenntaverðlaun Nóbels í ár.
Enn er töluvert vatnsrennsli úr aurskriðunni sem féll ofan við Hleiðargarðsfjall í Eyjafirði á þriðjudag.
Samfylkingin vill skapa allt að sjö þúsund ný störf og minnka atvinnuleysi, fyrir um 80 milljarða króna, samkvæmt áætlun sinni sem kynnt var í morgun.
Siglfirðingur segir bæjarbúa uggandi vegna innbrotahrinu þar undanfarna daga.
Almannavarnir ítreka þau tilmæli að allt íþróttastarf á höfuðborgarsvæðinu verði stöðvað og Íþrótta- og Ólympíusamband Íslands tekur undir það. Fótboltaleikur Íslands og Rúmeníu verður á Laugardalsvelli í kvöld.
Hádegisfréttir 7. október 2020
Flutt 07.10.2020
Hertar sóttvarnaraðgerðir á höfuðborgarsvæðinu vegna fjölgunar smita tóku gildi í nótt. Hátt í nítíu greindust innanlands í gær, helmingur var í sóttkví.
Fjöldi fólks kom saman á listahátíð og dekurdögum á Akureyri um helgina og nær uppbókað var á hótelum. Yfirlæknir telur hættu á að smitum þar fjölgi næstu daga.
Formaður félags hársnyrtisveina segir dæmi um að höfuðborgarbúar vilji komast í klippingu þrátt fyrir lokun. Rakari á Selfossi segir erfitt að flokka viðskiptavini eftir póstnúmerum.
Efnahagshorfur hafa versnað með aukinni útbreiðslu faraldursins, að mati peningastefnunefndar. Seðlabankastjóri segir þróun efnhagsmála velta á þróun bóluefnis.
Svandís Svavarsdóttir heilbrigðisráðherra er farin í leyfi vikuleyfi af persónulegum ástæðum og gegnir umhverfisráðherra störfum hennar á meðan.
Þingmaður Sjálfstæðisflokks segir kórónuveiruna svipaða árlegri inflúensu og einungis hættulega þröngum hópi sem séu veikir fyrir.
Um helmingur íbúa héraðsins Nagorno Karabakh hefur hrakist á vergang vegna átaka á svæðinu.
Matvælastofnun vill að stjórnvöld banni sölu á orkudrykkjum til barna yngri en 16 ára. Neysla íslenskra ungmenna á koffíndrykkjum er ein nú mesta í Evrópu.
Hádegisfréttir 6, október 2020
Flutt 06.10.2020
Sóttvarnalæknir undirbýr nú minnisblað til stjórnvalda um hertar aðgerðir á höfuðborgarsvæðinu vegna kórónuveirufaraldursins. Fólk er beðið um að vera ekki á ferðinni að óþörfu og þá er mælt til þess að íþróttaleikjum og öðrum viðburðum verði aflýst. Fjármálaráðherra segir þjóðina standa frammi fyrir nýjum veruleika sem muni hafa mikil áhrif á lífsviðurværi/ afkomu hennar næstu árin.
Átök brutust út í sóttvarnarhúsinu við Rauðarárstíg í Reykjavík í gærkvöld og þurfti að kalla til lögreglu.
Hátt í fjórar milljónir manna hafa þegar greitt atkvæði í forsetakosningun um í Bandaríkjunum. Sérfræðingur telur það vísbendingu um að kjörsókn verði með mesta móti.
Stór aurskriða féll fyrir ofan bæinn Gilsá í Eyjafirði í morgun. Lögreglan hefur rýmt fjögur hús og lokað veginum fyrir neðan skriðuna.
Búið er að ógilda úrlit þingkosninganna í Kirgistan eftir mikil mótmæli. Þúsundir manna lögðu undir sig stjórnarbyggingar í höfuðborg landsins í nótt.
Fljótsdalshérað hefur synjað landeiganda við Stuðlagil um framkvæmdaleyfi fyrir göngustíg að gilinu.
Hádegisfréttir 5, október 2020
Flutt 05.10.2020
Hert samkomubann tók gildi á miðnætti um leið og neyðarstig almannavarna var virkjað. Mest tuttugu mega nú koma saman, með nokkrum undantekningum þó, grímuskylda aukin og ákveðin starfsemi skellir í lás.
59 smit greindust innanlands í gær, öll nema þrjú á höfuðborgarsvæðinu. 15 liggja á sjúkrahúsi, þrír alvarlega veikir á gjörgæslu. Sóttvarnalæknir segir veiruna mun dreifðari heldur en í vetur.
Fjórtán heimilslausir menn, sem nýttu sér gistiskýlið á Granda í Reykjavík, hafa verið skipaðir í sóttkví eftir starfsmaður greindist með smit. Níu hafa skilað sér í sóttvarnarhúsið við Rauðarárstíg en ekki er vitað hvar hinir fimm eru.
Mjög skiptar skoðanir eru á því uppátæki Bandaríkjaforseta að bregða sér í bíltúr í gærkvöld, sýktur af kórónuveirunni. Keppinautur hans í kosningunum hefur aukið fylgi sitt samkvæmt nýrri könnun.
Forsætisráðherra segir ríkisstjórnina algjörlega samstíga um aðgerðirnar sem tengjast baráttunni við veiruna og hún hvetur fólk til að gera allt til að stuðla að samstöðu.
Fjórum mönnum var bjargað úr sjávarháska við Papey í gærkvöld eftir að yfirbyggður línubátur sigldi á sker og brotnaði að framan. Áhöfnin komst í björgunarbát en mildi þykir að báturinn hafi ekki sokkið.
Alþjóða Rauði krossinn fordæmir árásir á íbúðahverfi í bardögum Armena og Asera. Tugir almennra borgara hafa fallið.
Hádegisfréttir 4, október 2020
Flutt 04.10.2020
Fjörutíu og sjö greindust með COVID-19 innanlands í gær. Innan við fjórðungur var í sóttkví. Yfirlögregluþjónn segir að dæmi séu um að fólk gefi ekki smitrakningateymi allar upplýsingar um hverja það umgengst, sem gæti skýrt hversu margir greinast utan sóttkvíar.
Hertar sóttvarnaaðgerðir sem taka gildi á miðnætti ná yfir allt landið. Framkvæmdastjóri líkamsræktarstöðvar á Akureyri segir ósanngjarnt að Norður- og Austurland þurfi að gjalda fyrir þann fjölda smita sem hefur greinst á höfuðborgarsvæðinu.
Lögreglan hafði afskipti af tveimur stöðum í nótt sem virtu ekki sóttvarnareglur. Færri voru í bænum en búist var við vegna fyrirhugaðra lokana.
Jón Þröstur Jónsson, sem hvarf sporlaust í Dublin á Írlandi í febrúar í fyrra, er sagður hafa verið myrtur af öðrum Íslendingi í frétt írskra fjölmiðla í morgun.
Næstu tveir daga munu ráða miklu um hversu grátt kórónuveiran leikur Donald Trump. Þetta er bæði álit hans sjálfs og læknis hans. Enn bætist í hóp samstarfsmanna Trumps sem greinast með veiruna.
Armenar skutu eldflaugum á herflugvöll í næststærstu borg Aberbaísjan í morgun. Þetta eru fyrstu merki þess að átökin um yfirráð yfir héraðinu Nakorno Karabah séu að færast úr fyrir héraðið sjálft.
Íslandsmeistaratitill kvenna í fótbolta er nú innan seilingar hjá Breiðabliki eftir sigur í toppslagnum gegn Val í gær.
Hádegisfréttir 3. október 2020
Flutt 03.10.2020
61 greindist með kórónuveiruna innnlands í gær, þar af voru einungis 22 í sóttkví. Ekki hafa fleiri greinst utan sóttkvíar síðan í vor. Sóttvarnalæknir hefur skilað heilbrigðisráðherra tillögum að aðgerðum og ríkisstjórnin kemur saman til fundar í dag.
Minnst átta manns sem vinna náið með Donald Trump hafa nú greinst með veiruna. Trump var fluttur á sjúkrahús í gærkvöld en Hvíta húsið segir það einungis varúðarráðstöfun.
Rúmlega hundrað brotamenn, sem hafa beðið eftir því að hefja afplánun í fangelsi í meira en þrjú ár, gætu hlotið náðun, samkvæmt tillögu dómsmálaráðherra.
Varað er við hitabylgju meðfram endilangri Kaliforníuströnd næstu daga, þar sem enn loga mestu skógar- og gróðureldar sem sögur fara af í ríkinu.
Formaður Landssambands eldri borgara segir stjórnvöld gleyma eldri borgurum í fjárlagafrumvarpinu sem lagt var fram í vikunni.
Kartaflan verður hafin til vegs og virðingar á jarðeplahátíð í Vallanesi á Héraði í dag. Kartöflur eru ekki bara kartöflur, segir matreiðslumeistari.
Eins konar úrslitaleikur um Íslandsmeistaratitil kvenna í fótbolta verður í dag þegar toppliðin Valur og Breiðablik eigast við.
Hádegisfréttir 02. október 2020
Flutt 02.10.2020
Donald Trump, forseti Bandaríkjanna, og Melania eiginkona hans hafa greinst með COVID-19. Forsetinn er einkennalaus en ljóst er að öll dagskrá hans í aðdraganda forsetakosninganna í næsta mánuði fer úr skorðum.
37 greindust innanlands í gær. Meira en tveir þriðju voru ekki í sóttkví. Þrír eru á gjörgæslu, tveir þeirra í öndunarvél. Sóttvarnalæknir er alvarlega að íhuga að leggja til hertar aðgerðir til að stemma stigu við faraldrinum.
Með fjárlagafrumvarpi ríkisstjórnarinnar ríkir áfram sú helstefna að halda fólki í fátækt. Þetta segir formaður Öryrkjabandalagsins. Hún óttast að biðraðir hjá hjálparsamtökum eigi eftir að lengjast.
Reykhólahreppur og Vegagerðin fagna því að Úrskurðarnefnd umhverfis- og auðlindamála hafi vísað frá og hafnað tveimur kærum á framkvæmdaleyfi fyrir nýjum Vestfjarðavegi um Teigsskóg. Landvernd skoðar nú næstu skref.
Greiðslur úr sjúkrasjóðum stéttarfélaga vegna þjónustu sálfræðinga og geðlækna hafa aukist mikið undanfarið. Eining Iðja á Akureyri hefur aldrei greitt út meiri sjúkradagpeninga en nú í september.
01.10.2020
30.09.2020
Stjórnendur Eimskips segja að sér þyki leitt að tvö skipa félagsins hafi endað í niðurrifi á ströndum Indlands þar sem litlar kröfur eru gerðar um umhverfisvernd. Ábyrgðin liggi hjá þeim sem keyptu skipin.
Þrjátíu og þrír greindust með kórónuveiruna í gær og var ríflega helmingur þeirra í sóttkví.
Kjölturakki, trúður, kosningavik, og þegiðu maður. Þessi orð féllu í fyrstu sjónvarpskappræðum forsetaframbjóðendanna Jóes Bidens og Donalds Trumps vestanhafs í nótt.
Formaður Félags íslenskra atvinnuflugmanna segir uppsagnir Icelandair á tæplega sjötíu flugmönnum í gær hafa komið fólki í opna skjöldu. Flugmenn hafi lagt einna mest til í endurskipulagningu félagsins og margir tekið þátt í hlutafjárútboðinu fyrr í mánuðinum.
Yfir 180 manns hafa misst vinnuna í sex hópuppsögnum fyrir mánaðamótin. Vinnumálastofnun spáir allt að 10% atvinnuleysi í september.
Farsóttarhúsunum á Akureyri og Egilsstöðum verður lokað í dag. Frá því í annarri bylgju faraldursins í sumar hefur enginn dvalið í húsinu á Egilsstöðum og um 14 á Akureyri.
Íbúar í Reykhólahreppi þurfa frá og með morgundeginum að fara langan veg til að kaupa í matinn.
Hádegisfréttir 29. september 2020
Flutt 29.09.2020
Ríkisstjórnin kynnti á tólfta tímanum aðgerðir í átta liðum sem ætlað er að stuðla að félagslegum og efnahagslegum stöðugleika og halda lífskjarasamningnum á lífi, meðal annars lækkun tryggingagjalds og endurgreiðslu virðisaukaskatts. Aðildarfélög Samtaka atvinnulífsins greiða nú atkvæði um hvort segja eigi samningnum upp.
Paolo Macchiarini, sem græddi plastbarka í sjúklinga á Karólínska sjúkrahúsinu í Stokkhólmi, hefur verið ákærður fyrir að valda sjúklingunum alvarlegum skaða sem leiddi til dauða þeirra.
Íbúar á höfuðborgarsvæðinu og á Reykjanesskaga þurfa að búa sig undir jarðskjálfta af stærðinni sex til sex komma fimm í náinni framtíð. Þetta er mat jarðeðlisfræðings hjá Jarðvísindastofnun Háskóla Íslands.
Ekkert lát er á bardögum í Nagorno-Karabakh. Fregnir berast af liðsflutningum stórskotaliða Armena og Asera fjarri héraðinu.
Starfsmönnum flugvallarins í Vestmannaeyjum hefur verið sagt upp störfum. Bæjarstjórinn í Eyjum segir að Isavia grípi hvert tækifæri sem gefist til þess að skerða þjónustu flugvalla úti á landi.
Hádegisfréttir 28. september 2020
Flutt 28.09.2020
Samtök atvinnulífsins hafa frestað upphafi allsherjaratkvæðagreiðslu um framtðíð lífskjarasamningsins til hádegis á morgun. Fulltrúar SA áttu fund með formönnum stjórnarflokkanna í morgun.
Slökkvilið höfuðborgarsvæðisins var kallað að kjúklingabúi Matfugls í Mosfellsbæ rétt fyrir hádegi eftir að eldur kviknaði í vinnslusal.
Donald Trump greiddi jafnvirði hundrað þúsund króna í tekjuskatt 2016 og 17, hvort ár. Falsfréttir segir forsetinn.
Stór jarðskjálfti í Bárðarbungu um helgina er talinn hluti af reglulegri atburðaráðs í eldstöðinni. Vísindamenn fylgjast með því hvort sífellt aukinn jarðhiti þar geti á endanum valdið jökulhlaupi
Tugir eru fallnir úr liði uppreisnarmanna í Nagorno-Karabakh. Bardagar við stjórnarher Aserbaísjans stóðu þar yfir í alla nótt.
Forstjóri Sjúkratrygginga Íslands segir óviðunandi að fólk úti á landi hafi ekki sambærilegan aðgang að heilbrigðisþjónustu og aðrir. Stofnunin greiddi 546 milljónir í fyrra í ferðakostnað fólks sem þurfti að sækja þjónustu sérfræðilækna utan heimabyggðar.
Hádegisfréttir 27. september 2020
Flutt 27.09.2020
Einn er í öndunarvél á gjörgæsludeild Landspítalans með Covid-19. Fjórir eru á sjúkrahúsinu og fjölgar um tvo frá því í gær. Álagið á spítalanum hefur verið að aukast - og sóttvarnalæknir segir þetta benda til þess að sjúkdómurinn sé ekki vægari nú en í vor.
Lögregla handtók í gærkvöld fjóra ferðamenn í miðborg Reykjavíkur fyrir að brjóta sóttkví. Yfirlögregluþjónn segir ekki ástæðu til að setja aðra gesti miðborgarinnar í sóttkví á þessarri stundu.
Aðildafyrirtæki Samtaka atvinnulífins kjósa um mögulega riftun Lífskjarasamningsins á morgun. Framkvæmdastjóri SA segist vonsvikinn að samtal við verkalýðshreyfinguna hafi ekki borið árangur. Stjórnvöld hafa um helgina rætt við deiluaðila.
Bandaríkjaforseti tilnefndi í gærkvöld Amy Coney Barrett til að taka sæti Ruth Bader Ginsburg í Hæstarétti Bandaríkjanna. Verði hún samþykkt af öldungadeildinni verða sex af níu dómurum íhaldssamir.
Skiptar skoðanir eru á nýju frumvarpi félags- og barnamálaráðherra um breytingar á fæðingar- og foreldraorlofi. Samkvæmt frumvarpinu skiptist orlofið jafnt milli foreldra fyrir utan einn mánuð.
ÍBV lagði Val í bæði karla- og kvennadeildum handboltans í gær.
Hádegisfréttir 26. September
Flutt 26.09.2020
Nýgengi smita er hvergi hærra á Norðurlöndum en á íslandi. 38 greindust með veiruna innanlands í gær, helmingur var í sóttkví. Sóttvarnalæknir segist verða snöggur að skila tillögum um hertari aðgerðir ef á þurfi að halda. Yfirlögregluþjónn segir tölur morgunsins hafa verið vonbrigði.
Alþjóðaheilbrigðismálastofnunin óttast að tvær milljónir láti lífið af völdum COVID-19 áður en bóluefni verður klárt. Hertar reglur tóku gildi í Bretlandi í dag vegna fjölgunar smita.
Nígerískur karlmaður hefur stefnt íslenska ríkinu og krefur það um sjötíu milljónir króna í skaðabætur vegna frelsissviptingar. Maðurinn sat í gæsluvarðhaldi í ellefu mánuði en fékk aðeins tveggja mánaða fangelsisdóm. Upphæðina byggir hann á þeirri fjárhæð sem metin var sem hæfileg vegna frelsissviptingar í Guðmundar- og Geirfinnsmálinu í fyrra.
Þrír jarðskjálftar yfir fjóra af stærð urðu norðaustur af Grímsey í nótt. Viðbúið er að frekari skjálftavirkni verði á þessu svæði.
Helgi Hrafn Gunnarsson og Smári McCarthy þingmenn Pírata ætla ekki að sækjast eftir endurkjöri í næstu alþingiskosningum. Þær ætla þó að vinna áfram innan hreyfingarinnar þegar þeir láta af þingmennsku.
Átján ára maður hefur játað á sig hnífaárásina í París í gær. Hann segist hafa látið til skarar skríða eftir að skoptímaritið Charlie Hebdo endurbirti umdeildar myndir af Múhameð spámanni.
Veðurhorfur: Sunnan og suðaustan átta til fimmtán metrar, hvassast um norðaustanvert landið. Rigning, einkum á vestur- og suðausturlandi, en dregur talsvert úr vindi seint í dag. Suðaustan tíu til fimmtán austanlands fram eftir degi á morgun, annars mun hægari vindur. Rigning, einkum sunnanlands, en úrkomulítið að vestanverðu. Hiti fimm til tólf stig í dag, hlýjast norðaustanlands, en heldur svalara á morgun.
Pálmi Jónasson segir hádegisfréttir.
Hádegisfréttir 25. september 2020
Flutt 25.09.2020
Maður sem er ákærður fyrir að verða þremur að bana í eldsvoðanum á Bræðraborgarstíg í sumar er metinn ósakhæfur í geðmati. Hann er ákærður fyrir þrefalt manndráp og tilraun til manndráps á tíu til viðbótar, sem voru í húsinu þegar eldurinn kviknaði. Hann neitaði sök við þingfestingu málsins í dag.
Þórólfur Guðnason sóttvarnalæknir hefur lagt til óbreyttar sóttvarnaaðgerðir að öðru leyti en því að skemmtistaðir fái að opna aftur eftir helgi og segist vonast til að það dugi til.
Í fyrsta sinn hefur heilum deildum verið lokað á Landspítalanum vegna kórónuveirufaraldursins. Fresta þarf aðgerðum vegna lokunar göngu- og dagdeilda skurðlækninga á sjúkrahúsinu í Fossvogi.
Formaður ASÍ, segir að það boði mikinn ófrið á vinnumarkaði, komi til þess að aðildarfyrirtæki Samtaka atvinnulífsins segi Lífskjarasamningnum upp.
Forsætisráðherra segir að ríkisstjórnin hafi rætt hvernig bæta megi stöðu fylgdarlausra barna og hvernig hagsmunabat barna á flótta sem hingað koma er unnið. Einnig er horft til ástæðna þess að málsmeðferðartími hefur lengst undanfarið.
Íbúum í Moskvu, 65 ára og eldri, hefur verið skipað að halda sig heima vegna fjölgunar kórónuveirusmita að undanförnu.
Hádegisfréttir 24. september 2020
Flutt 24.09.2020
Þrjátíu og þrjú ný kórónuveirusmit greindust hér á landi í gær. Meirihluti fólksins var ekki í sóttkví. Um 2.500 eru nú í sóttkví, langflestir á höfuðborgarsvæðinu.
Heilbrigðismálastjóri Evrópusambandsins segir ástandið í sumum aðildarríkjum vegna kórónuveirufaraldursins nú verra en þegar hann var í hámarki í vor. Sóttvarnastofnun Evrópu segir ástandið í sjö löndum álfunnar sérstakt áhyggjuefni.
Forsendunefnd ASÍ og SA reynir í dag að komast að niðurstöðu um hvort forsendur lífskjarasamningsins séu brostnar.
Framkvæmdastjóri Landssambands lífeyrissjóða segir að gera þurfi úttekt á sjálfstæði stjórnarmanna í lífeyrissjóðum. Almenningur þurfi að geta treyst því að stjórnir sjóðanna gæti eingöngu hagsmuna sjóðsfélaga.
Skaftfell, miðstöð myndlistar á Austurlandi, fékk ekkert fé á fjárlögum, vegna mistaka við umsókn um árlegt rekstrarfé. Allt stefnir í lokun og að starfsmenn fari á atvinnuleysisbætur í nóvember og desember.
Hálka og snjókoma hefur sett svip sinn á færð víða um land í morgun, sérstaklega á fjallvegum.
RIFF-kvikmyndahátíðin hefst í dag, hún mætir nú heim til fólks en allar myndirnar verða sýndar á netinu.
Hádegisfréttir 23. september 2020
Flutt 23.09.2020
Seðlabankinn telur að atvinnuleysi aukist enn á næstu mánuðum og að fjöldi fyrirtækja, einkum í ferðaþjónustu, verði gjaldþrota eða leiti eftir greiðsluskjóli.
Fimmtíu og sjö greindust með kórónuveiruna hér á landi í gær Sjö íbúar Stykkishólms hafa greinst með COVID. Enginn þeirra var í sóttkví og fara þar fjörutíu í sýnatöku í dag.
Aleksander Lúkasjenkó sór í morgun eið sem forseti Hvíta-Rússlands enn eitt kjörtímabilið, en það var ekki tilkynnt fyrr en að athöfn lokinni.
Ný samstjórn sem kynnt var á Akureyri þarf að ráðast í rótækar aðahaldaðsgerðir til að rétta af mikinn halla. Oddviti Samfylkingarinnar segir að ekki standi til að skera samfélagið inn að beini.
Oddviti Austurlistans í nýju sameinuðu sveitarfélagi á Austurlandi hefur lagt til að samstjórn verði mynduð eftir kosningar þar á laugardag.
Rússneski stjórnarandstöðuleiðtoginn Alexei Navalny var útskrifaður af sjúkrahúsi í Berlín í morgun. Stjórnvöld í Kreml segja hann geta snúið aftur heim til Rússlands.
Edduverðlaunin verða afhent 6. október um hálfu ári á eftir áætlun.
22.09.2020
Óvenjumargir koma að sýnatökum fyrir kórónuveirunni í dag, en aukinn kraftur var settur í sýnatökuna eftir að fréttir bárust af því að fólk með einkenni hefði ekki komist að. Skimun hófst snemma í morgun og verður starfsfólk að við að greina sýni fram á kvöld.
Nærri tvær milljónir manna greindust með kórónuveirusmit á heimsvísu í síðustu viku. Aldrei hafa fleiri greinst með veiruna á einni viku. Dauðsföll voru hins vegar færri en vikuna á undan.
Stoðdeild ríkislögreglustjóra hefur fengið nokkrar ábendingar um hvar egypska fjölskyldan sem til stendur að senda úr landi er niðurkomin. Talið er öruggt að einhver hafi skotið skjólshúsi yfir fjölskylduna.
Bæjarstjórn Akureyrar kynnti nú hádeginu róttækar breytingar á meirihlutasamstarfi í bæjarstjórn. Fulltrúar í bæjarstjórn ætla að afnema minni- og meirihluta það sem eftir lifir kjörtímabils og vinna í sameiningu að þeim verkefnum sem framundan eru.
Fulltrúum á ítalska þinginu fækkar um meira en þriðjung í næstu kosningum. Mikill meirihluti kjósenda samþykkti það í þjóðaratkvæðagreiðslu. Hægri flokkum á Ítalíu gekk ekki eins vel í héraðsstjórakosningunum þar eins og þeir höfðu vænst.
Mörg ferðaþjónustufyrirtæki þurfa að reiða sig á neyðarfjármagn og reyna að hagræða í rekstri sínum. Margir hafa nýtt sér úrræði stjórnvalda. Þetta kom fram í könnun Íslenska ferðaklasans um áhrif faraldursins á ferðaþjónustufyrirtæki
Ísland mætir Svíþjóð í toppslag F-riðils í undankeppni EM í fótbolta á Laugardalsvelli í kvöld. Landsliðsþjálfarinn segir íslenska liðið vel í stakk í búið til að mæta Svíum.
? Hádegisfréttir 21. september 2020
Flutt 21.09.2020
Auglýst hefur verið eftir sjálfboðaliðum í bakvarðasveit heilbrigðisþjónustunnar. Þrjátíu greindust með kórónuveirusmit í gær. Um helmingur var í sóttkví.
Öllum nemendum og starfsfólki framhalds- og háskóla á höfuðborgarsvæðinu er nú skylt að bera grímur í skólanum. Samræmdum prófum í þremur grunnskólum á höfuðborgarsvæðinu hefur verið frestað.
Gunnar Jóhann Gunarsson neitar að hafa myrt Gísla Þór Þórarinsson, hálfbróður sinn, í norska smábænum Mehamn í fyrra. Þetta kom fram á fyrsta degi réttarhaldanna í morgun.
Umfangsmikið peningaþvætti virðist í fjölda ára hafa viðgengist hjá mörgum af stærstu bönkum heims, þannig að illa fengið fé hefur afskiptalaust flætt heimshluta á milli. Vísbendingar þess efnis koma fram í gögnum efnahagsbrotadeildar bandaríska fjármálaráðuneytisins sem alþjóðasamtök rannsóknarblaðamanna hafa rannsakað síðan í fyrra.
Refsiaðgerðir gegn Hvíta-Rússlandi verða ræddar á fundi utanríkisráðherra Evrópusambandsins í dag. Svetlana Tikanovskaja, leiðtogi stjórnarandstöðunnar í Hvíta-Rússlandi, ræddi við ráðherrana í morgun.
Snæviþakin jörð blasti við fólki víða um land í morgun. Töluvert hefur snjóað á Siglufirði, Héðinsfirði og í Fljótum. Veðurfræðingur segir að búast megi við lítils háttar snjókomu í byggð út vikuna.
Emmy-verðlaunin voru að mestu afhent með aðstoð fjarfundarbúnaðar í Kaliforníu í nótt. Sjónvarpsþáttaraðirnar Watchmen og Schitt's Creek voru sigursælar á hátíðinni.
Hádegisfréttir 20. september 2020
Flutt 20.09.2020
38 greindust með kórónuveiruna innanlands í gær. Ekki er búið að taka ákvörðun um hertar aðgerðir. Víðir Reynisson yfirlögregluþjónn segir að verið sé að leggja mat á alvarleika ástandsins, en hann er sjálfur kominn í sóttkví.
Grjóthnullungar köstuðust yfir hjóla- og göngustíga við Eiðsgranda í sjógangi og hvassviðri í gærkvöld. Ekkert teljandi tjón var í Faxaflóahöfnum. Spáð er hárri sjávarstöðu en ekki eins hvössu veðri í kvöld.
Búist er við tugum þúsunda mótmælenda víða um Hvíta-Rússland í dag, þegar sex vikur eru liðnar frá mjög umdeildum forsetakosningum. Tvö hundruð konur voru handteknar í kvennamótmælum í Minsk í gær, þar á meðal 73 ára kona sem af mörgum er álitin hetja mótmælanna.
Sjálfstæðisflokkur og Austurlisti fengu mest fylgi í sveitarstjórnarkosningum í nýju sameinuðu sveitarfélagi á Austurlandi í gær. Sjálfstæðisflokkur er í lykilstöðu um myndun tveggja flokka meirihluta með annað hvort Austurlista eða Framsókn.
Arftaki hinnar frjálslyndu Ruth Bader Ginsburg við Hæstarétt Bandaríkjanna verður kona. Donald Trump Bandaríkjaforseti tilkynnti þessa ákvörðun sína í gær.
Fleiri hælisleitendur hafa fengið hæli hér á landi en tilefni er til segir Sigríður Á. Andersen þingmaður Sjálfstæðisflokksins og fyrrverandi dómsmálaráðherra. Kerfið hafi leyft einhverjum að njóta vafans.
Hádegisfréttir 19. september 2020
Flutt 19.09.2020
75 kórónuveirusmit greindust í gær. Annar eins fjöldi hefur ekki greinst síðan 1. apríl við hápunkt fyrstu bylgjunnar. Víðir Reynisson segir að aðgerðir verði líklega hertar um helgina. Almannavarnir verða með upplýsingafund klukkan 14.
Kosið er til sveitarstjórna og heimastjórna í nýju sameinuðu sveitarfélagi á Austurlandi í dag. Þetta er í fyrsta sinni sem kosið er til heimastjórna sem fara með ákveðin mál í heimabyggð.
Bandaríski hæstaréttardómarinn Ruth Bader (Beider) Ginsburg lést í gærkvöld. Hennar er minnst víða í dag enda mikill brautryðjandi á sviði mannréttinda.
Lögregla má sekta fólk í húsum á snjóflóðahættusvæðum sem hafa verið keypt eða tekin eignarnámi, ef drög að frumvarpi um snjóflóðavarnir ná fram að ganga. Þetta á að hjálpa til við rýmingu svæða í snjóflóðahættu.
Fleiri mál kvenna sem talið er að hafi verið ranglega greindar hjá Krabbameinsfélaginu verða sendar landlækni eftir helgi.
Tvö voru skotin til bana í garðveislu í borginni Rochester í New York-ríki í nótt. Fjórtán særðust. Enginn hefur verið handtekinn.
Valur vann Fram með fjögurra marka mun í einum af stóru leikjum tímabilsins í úrvalsdeild kvenna í gærkvöld.
Hádegisfréttir 18. september 2020
Flutt 18.09.2020
Tuttugu og eitt smit greindist innanlands í gær. Þar af voru sjö í sóttkví. Fjórir starfsmenn íbúakjarna í Grafarvogi fyrir fólk með þroskahamlanir og einhverfu hafa greinst með veiruna og hefur það veruleg áhrif á starfsemina. Skemmtistöðum og börum á höfuðborgarsvæðinu verður lokað í fjóra daga frá og með deginum í dag og segir heilbrigðisráðherra það nauðsynlega aðgerð til að draga úr fjölgun smita.
Forstjóri Icelandair er ánægður með mikla umframeftirspurn í hlutafjárútboðinu. Sjö milljarða kaupum Michelle Ballarin í útboðinu var hafnað. Fjármálaráðherra segir að niðurstaða hlutafjárútboðsins dragi úr líkum á því að það reyni á ríkisábyrgð Icelandair.
Dönsk stjórnvöld hafa hert sóttvarnaraðgerðir í landinu enn frekar og stendur blaðamannafundur forsætisráðherra nú yfir. Yfir þrjátíu milljónir kórónuveirusmita hafa greinst í heiminum.
Fulltrúar Vinnueftirlitsins og Mannvirkjastofnunar skoða nú aðstæður í tengivirki í Önundarfirði þar sem alvarlegt vinnuslys varð í gær. Karlmaður á sextugsaldri slasaðist alvarlega við vinnu þar.
Örlög ríkisstjórnar Póllands ráðast líklega eftir helgi en stjórnarsamstarfið er í uppnámi eftir að tveir stjórnarflokkanna greiddu atkvæði gegn frumvarpi Laga- og réttlætisflokksins. Rætt er um að flýta kosningum eða að Laga- og réttlætisflokkurinn myndi minnihlutastjórn.
Erindreki Sameinuðu þjóðanna segir að lögregla í Hvíta-Rússlandi hafi mætt mótmælendum af mikilli hörku undanfarnar vikur. Margir hafi þurft að þola pyntingar.
35 bændur vítt og breitt um landið taka nú þátt í tilraunaverkefni um heimaslátrun þar sem dýralæknar sinna heilbrigðisskoðun á kjöti í gegnum netið.
Hádegisfréttir 17. september 2020
Flutt 17.09.2020
Þau 19 kórónuveirusmit sem greindust í gær eru einkum rakin til þriggja staða; Háskóla Íslands, Háskólans í Reykjavík og veitingastaðar í Reykjavík. Um þriðjungur þeirra smituðu var í sóttkví og meirihlutinn er ungt fólk. Þingmaður Pírata er einn hinna smituðu.
Kári Stefánsson, forstjóri Íslenskrar erfðagreiningar, segir að líkur séu á fjölda kórónuveirusmita á næstunni. Hann telur að herða þurfi sóttvarnaaðgerðir eins fljótt og kostur er.
Hluti af starfsemi Reykjalundar liggur niðri eftir að starfsnemi þar greindist með kórónuveirusmit. Fjörutíu manns, starfsmenn og sjúklingar, voru send í sóttkví.
Formleg leit er ekki hafin að egypsku fjölskyldunni sem til stóð að flytja úr landi í gær.
Grískur ráðherra segir breytinga þörf á reglum um málefni flóttamanna og hælisleitanda. Dyflinnar-reglugerðin hafi brugðist. Lögreglan á grísku eynni Lesbos flutti í morgun flóttafólk í nýjar búðir sem komið hefur verið upp í stað þeirra sem brunnu í síðustu viku.
Efnavopnastofnunin í Haag hefur að beiðni Þjóðverja rannsakað sýni úr rússneska stjórnarandstöðuleiðtoganum Alexei Navalny. Stofnunin aðstoðaði einnig við rannsókn á máli Skripal-feðginanna sem eitrað var fyrir á Englandi fyrir tveimur árum.
Landsvirkjun setur hundrað milljónir í uppbyggingu menningarhúss á Egilsstöðum. Peningarnir eru fyrirframgreidd leiga fyrir rými undir Ormsstofu, sýningu fyrirtækisins í húsinu.
Bíósýningar á RIFF, alþjóðlegri kvikmyndahátíð í Reykjavík, fara að langmestu fram á netinu í ár, vegna ástandsins.
Hádegisfréttir miðvikudaginn 16. ágúst 2020
Flutt 16.09.2020
Þrettán greindust með COVID-19 innanlands í gær. Ekki hafa fleiri greinst á einum degi í nærri einn og hálfan mánuð. Sóttvarnalæknir segir að í flestum tilfellum sé fólkið ekki tengt. Það geti bent til þess að dreifing á veirunni innanlands sé meiri en talið var.
Ekki er vitað um dvalarstað sex manna fjölskyldu frá Egyptalandi sem fannst ekki þegar átti að fylgja henni úr landi í morgun. Ekki hefur verið tekin ákvörðun um hvort lýst verður eftir þeim og ekki var talin ástæða til að hafa eftirlit með þeim. Lögmaður fjölskyldunnar segir að þetta hafi engin áhrif á lagalega stöðu fjölskyldunnar.
Hlutafjárútboð Icelandair hófst í morgun. Stjórnir lífeyrissjóða funda í dag og morgun um mögulega þátttöku.
Staðfest kórónuveirusmit á heimsvísu nálgast hratt 30 milljónir. Ríflega fimm milljónir hafa greinst með veiruna á Indlandi.
Forseti framkvæmdastjórnar Evrópusambandsins varaði Breta við að breyta einhliða útgöngusamningnum úr sambandinu, lagði til að dregið yrði meira úr losun gróðurhúsalofttegunda og lýsti yfir áhyggjum af deilum Grikkja og Tyrkja í fyrstu stefnuræðu sinni í morgun.
Hátt í átta hundruð flugleggir hafa verið bókaðir með afsláttarkóða Loftbrúar síðan verkefnið fór af stað fyrir viku. Niðurgreiðsla ríkisins þessa fyrstu viku nemur fimm milljónum króna.
Ómar Ragnarsson er áttræður í dag. Í kvöld verður frumsýnd ný heimildarmynd um baráttu hans fyrir náttúruvernd.
Hádegisfréttir 15. september 2020
Flutt 15.09.2020
Hópur fólks mótmælti brottvísun egypskrar fjölskyldu fyrir utan ráðherrabústaðinn við Tjarnargötu í Reykjavík í morgun. Fulltrúi hópsins afhenti dómsmálaráðherra lista með hátt í 12 þúsund og fjögur hundruð undirskriftum. Forsætisráðjherra segir ákvarðanir um leyfi ekki á hendi einstakra wstjórnmálamanna
Barnamálaráðherra segir að mál egypsku fjölskyldunnar sé á forræði dómsmálaráðuneytis.
Sex kórónuveirusmit greindust í gær. Þrjú af þeim tengjast Háskóla Íslands. Hámu á Háskólatorgi var lokað í gær vegna smits starfsmanns og rektor skólans er í sóttkví, og tveir aðrir, vegna smits starfsmanns.
Grindhvalirnir tíu sem strönduðu á Snæfellsnesi um helgina sáust hættulega nálægt landi á fimmtudaginn. Yfirvöld fengu hins vegar ekki veður af hvölunum fyrr en þremur dögum seinna.
Palestínskir ráðamenn hvetja arabaríki til að sniðganga athöfnina í Washington í dag þegar undirritaðir verða samningar um eðlileg samskipti Ísraels við Sameinuðu arabísku furstadæmin og Barein. Með þessu sé verið að rjúfa einingu arabaríkja.
Margir flóttamenn og hælisleitendur á grísku eynni Lesbos vilja ekki fara í nýjar tjaldbúðir sem þar hefur verið komið upp eftir brunann í Moria-búðunum. Grískur ráðherra segir að þeir kunni að verða fluttir þangað með valdi.
Tuttugu listamenn sem koma fram á Alþjóðlegu brúðulistahátíðinni á Hvammstanga fara í sjö daga sóttkví áður en hátíðin hefst í byrjun næsta mánaðar. Skipuleggjendur hafa tekið Hótel Laugabakka á leigu til að hýsa listamennina.
Hádegisfréttir 14. september 2020
Flutt 14.09.2020
Skólastjóri í Háaleitisskóla á Ásbrú þar sem tvö barna egypsku fjölskyldunnar sem á að vísa af landi brott á miðvikudag ganga í skóla skorar á Ásmund Einar Daðason, barnamálaráðherra að beita sér í málinu. Siðferðilega og lagalega sé honum ekki stætt á öðru.
Lögreglan gómaði þjóf með fullan poka af skartgripum í nótt. Sá hafði brotist inn í skartgripabúð við Laugaveginn. Eigandi verslunarinnar segir innbrot taka á sálina en að tjónið sé óljóst.
Rannsóknarstofur í Frakklandi og Svíþjóð hafa nú staðfest að eitrað hafi verið fyrir rússneska stjórnarandstæðingnum Alexei Navalní.
Jón Þór Birgisson, í hljómsveitinni Sigur Rós, krafðist þess fyrir dómi í morgun að 150 milljóna króna skattsvikamáli á hendur honum yrði vísað frá. Saksóknari mótmælti kröfunni.
Rétt um helmingur ferðaþjónustufyrirtækja á Norðurlandi hefur ekki getað nýtt sér stuðningsaðgerðir stjórnvalda. Um 75% fyrirtækjanna telja sig muni komast í gegnum þá erfiðleika sem faraldurinn hefur orsakað.
Hópur íbúa á hjúkrunarheimilinu Hlíð á Akureyri tekur nú þátt í alþjóðlegu hjólreiðakeppninni á netinu. Þetta er þriðja árið í röð sem Hlíð tekur þátt en liðið hafnaði í fimmta sæti í fyrra.
Hádegisfréttir 13. september 2020
Flutt 13.09.2020
Á annað hundrað manns hefur leitað til Heilsugæslu höfuðborgarsvæðisins með eftirköst COVID-19. Þetta segir forstjóri heilsugæslunnar. Enginn starfsmaður heilsugæslunnar hefur smitast af sjúklingi.
Faraldurinn færist í aukana víða um heim, nærri 29 milljónir hafa greinst með COVID-19 á heimsvísu. Tugir voru handteknir í mótmælum gegn útgöngubanni í Melbourne í Ástralíu.
Umdeilt kynningarefni Þjóðkirkjunnar, þar sem Jesú er sýndur með brjóst og varalit, kostar Biskupsstofu og sóknir á höfuðborgarsvæðinu um tvær milljónir króna og svokallaður Jesústrætó mun aka áfram um götur borgarinnar að minnsta kosti næstu þrjá vikurnar.
Formaður skipulags og samgönguráðs Reykjavíkur vill að Sundabraut verði fyrir alla ferðamáta og þar gæti verið 50 kílómetra hámarkshraði.
Héraðskosningar fara fram í Rússlandi í dag. Litið er á þær sem prófstein fyrir stjórnvöld í Rússlandi. Sameinað Rússland, flokk Valdimírs Pútins forseta.
Hádegisfréttir laugardaginn 12. september 2020
Flutt 12.09.2020
Lögmaður segir margt benda til að mistök hafi verið gerð við greiningu krabbameinssýna hjá Krabbameinsfélaginu í mörg ár. Hann ætlar að vísa tveimur málum til Landlæknis.
Fara þarf fram á það við fangelsismálayfirvöld sérstaklega, að lokað sé fyrir að fangar geti hringt í ákveðin símanúmer úr fangelsum. Forstöðumaður fangelsisins á Hólmsheiði segir að slíkar beiðnir berist mjög reglulega.
Minnst 26 eru látin og tuga er saknað á vesturströnd Bandaríkjanna þar sem gríðarmiklir gróðureldar geisa.
Hundruð kvenna sem starfa við fjölmiðla í Danmörku hafa sent frá sér yfirlýsingu þar sem kynjamisrétti er fordæmt. Hún er sett fram sem stuðningsyfirlýsing við fjölmiðlakonuna Sofie Linde sem nýlega talaði opinskátt um kynjamisrétti í stéttinni.
Flugöryggisstofnun Evrópu lauk í gær reynsluflugi á Boeing 737 Max flugvélum.
Réttir þetta haust eru sögulegar vegna fjöldatakmarkana í heimsfaraldri. Í fréttatímanum verður rætt við fjallkóng Tungnaréttar.
Veðurhorfur: Norðan og norðaustan fimm til tíu í dag, en átta til fimmtán norðvestantil. Þurrt vestanlands, súld eða dálítil rigning á norður- og austurlandi og stöku skúrir syðra. Hiti fjögur til tólf stig, mildast sunnan heiða. Austan og norðaustan fimm til þrettán á morgun. Fer að rigna sunnan- og suðvestanlands, en smáskúrir á norðaustanverðu landinu.
Hádegisfréttir 11. september 2020
Flutt 11.09.2020
Heilbrigðisráðherra kynnti tillögur að breyttum ráðstöfunum vegna kórónuveirufaraldursins á ríkisstjórnarfundi í morgun. Lagt er til að ráðstafanir á landamærum verði óbreyttar, en sóttkví einstaklinga þurfi ekki í öllum tilvikum að vera 14 dagar.
Tíundi hver íbúi Oregon í Bandaríkjunum er flúinn undan gróðureldunum sem loga í vesturhluta Bandaríkjanna.
Hafin er rannsókn á því hvort olíumengun hafi borist í holræsakerfið á Hofsósi. Þá vill sveitarfélagið Skagafjörður að Umhverfisstofnun geri úttekt á því hversu útbreidd mengunin er í þorpinu.
Helgi Björnsson tónlistarmaður og formaður Félags sjálfstætt starfandi tónlistarmanna segir að engin úrræði séu til fyrir tónlistarfólk sem hafi verið tekjulaust mánuðum saman. Mínútu þögn var á stærstu útvarpsstöðvum landsins í morgun til að vekja athygli á aðstæðum þess.
Póst- og fjarskiptastofnun aflýsti í morgun óvissustigi fjarskiptakerfa sem lýst var yfir í vikunni vegna stórrar netárásar á eitt af fjarskiptafélögunum.
Stórleikir verða í undanúrslitum bikarkeppninnar í fótbolta. Íslandsmeistarar KR mæta toppliði Vals í karlaflokki og Breiðablik og bikarmeistarar Selfoss í kvennaflokki.
Hádegisfréttir 10. september 2020
Flutt 10.09.2020
Dómsmálaráðherra segir að lokun fangelsisins á Akureyri sé ekki sparnaðaraðgerð heldur ætluð til að nýta peningana betur. Hún vísar á bug ummælum lögreglunnar um að löggæsla veikist við lokunina.
Rúmlega sextíu konur hafa verið kallaðar aftur til sýnatöku hjá leitarstöð Krabbameinsfélags Íslands. Félagið hefur nú farið yfir rúman þriðjung af þeim sýnum sem ákveðið var að endurskoða.
Villtum hryggdýrum hefur fækkað um sextíu og átta prósent í heiminum síðastliðna hálfa öld, samkvæmt skýrslu World Wildlife Fund. Forstjóri stofnunarinnar segir að skjót viðbrögð þurfi til að snúa þessari þróun við.
Hús við Skólavörðustíg hrundi að mestu leyti í gær þegar verið var að fjarlægja þak og timburgólf. Samkvæmt byggingaleyfi á að hækka húsið um eina hæð. Eigandinn segir að þetta hafi ekki verið niðurrif heldur óhapp.
Flóttamannabúðirnar á Lesbos brenna enn og í morgun kviknaði mikið bál í höfninni í Beirút. Ekkert lát er á gróðureldunum á vesturströnd Bandaríkjanna.
Bandaríkjaforseti gerði vísvitandi lítið úr Covid nítján faraldrinum þegar hann var að hefjast í Bandaríkjunum í febrúar, til að skapa ekki ótta meðal fólks. Þetta viðurkennir Trump í viðtali við blaðamanninn Bob Woodward.
Öryggisgæsla hefur verið hert við sjúkrahúsið í Berlín þar sem rússneski stjórnarandstöðuleiðtoginn Alexei Navalny dvelur. Hann er sagður vera að braggast og farinn að geta tjáð sig.
Hádegisfréttir 9. september 2020
Flutt 09.09.2020
Aðalmeðferð skaðabótamáls Samherja gegn Seðlabanka Íslands hófst í héraðsdómi í morgun. Forstjóri Samherja var afar ósáttur með spurningar lögmanns Seðlabankans, um starfsemi Samherja í Afríku. Samherji fer fram á yfir 300 milljónir í bætur frá Seðlabankanum.
Lyfjafyrirtækið AstraZeneca, sem vinnur að framleiðslu bóluefnis við COVID nítján, hefur hætt tilraunum vegna veikinda eins sjálfboðaliða.
Bóluefnið sem um ræðir er eitt þeirra sem stendur til að Íslendingar fái, segir sóttvarnalæknir. Prófessor í smitsjúkdómalækningum telur ósennilegt að aukaverkunin tengist efninu beint.
Ríkið niðurgreiðir innanlandsflug frá og með deginum í dag.
Flestir úr forystu stjórnarandstöðunnar í Hvíta-Rússlandi hafa nú verið handteknir. Einn þeirra var handtekinn í morgun.
Gríska stjórninn hefur lýst yfir neyðarástandi á eynni Lesbos eftir að Moria-búðirnar, fjölmennustu flóttamannabúðir Grikklands, eyðilögðust í eldi í nótt.
Siðfræðingur segir að þau sem létu gamminn geisa um íslenskar stúlkur, sem heimsóttu enska landsliðsmenn í sóttkví, hafi tekið þátt í hópeinelti. Stúlkurnar hafa verið kallaðar öllum illum nöfnum á netinu síðustu daga.
Hádegisfréttir 8. september 2020
Flutt 08.09.2020
Landlæknir ætlar að fá erlendan aðila til að taka út endurskoðun leghálssýna hjá Krabbameinsfélagi Íslands og hvort gæði skimunar hjá félaginu séu fullnægjandi. Verið er að endurskoða sex þúsund sýni.
Bæjarstjóri Akureyrar segir mikil vonbrigði að fangelsinu í bænum verði lokað í næstu viku. Sex missa vinnuna en lögreglan verður efld. Formaður Samfylkingarinnar segir málið hörmulegt.
Hvítrússneski stjórnarandstöðuleiðtoginn María Kolesnikova var handtekin á landamærum við Úkraínu í nótt. Stjórnvöld í Kænugarði segja að flytja hafi átt hana nauðuga frá Hvíta-Rússlandi, en hún hafi streist á móti.
Sex kórónuveirusmit greindust innanlands í gær. Allir voru í sóttkví við greiningu.
Ekkert lát er á skógareldunum í Kaliforníu þar sem átta hafa farist.
Starfsfólk snyrtistofu braut ekki jafnréttislög með því að neita karlmanni um brasilískt vax. Þetta er niðurstaða kærunefndar jafnréttismála.
Hádegisfréttir 7. september 2020
Flutt 07.09.2020
Forstjóri Sjúkratrygginga segir það áhyggjuefni treysti Krabbameinsfélagið sér ekki til að sinna lögbundinni þjónustu. Sjúkratryggingar ætla ekki að verða við kröfu félagsins um að afhenda því gögn fyrir hádegi í dag.
Skimunarráð lagði til við heilbrigðisráðherra í fyrra að krabbameinsskimun yrði í samræmi við Evrópustaðla og að óháðir aðilar hefðu eftirlit með henni. Ekki var farið eftir tillögunum og eftirlit var ekki aukið.
Brottkast á þorskveiðum með botnvörpu árið 2017 var það mesta sem mælst hefur frá upphafi mælinga . Sviðsstjóri hjá Hafrannsóknastofnun segir nauðsynlegt að auka eftirlit.
Matvælastofnun hefur veitt rekstrarleyfi fyrir yfir fimm þúsund tonna eldi á regnbogasilungi í Ísafjarðardjúpi.
Jón Baldvin Hannibalsson, fyrrverandi utanríkisráðherra og sendiherra, hefur verið ákærður fyrir kynferðisbrot. Hann greindi sjálfur frá ákærunni í morgun.
Ekkert er vitað um afdrif hvítrússnesku baráttukonunnar Maríu Kolesnikovu en svartklæddir menn eru sagðir hafa haft hana á brott með sér í nótt.
Tveir enskir landsliðsmenn í fótbolta brutu sóttvarnareglur hér á landi um helgina með því að bjóða ungum konum inn á hótelherbergi til sín. Leikmennirnir ferðast ekki með enska landsliðinu til Danmerkur í dag.
Hádegisfréttir sunnudaginn 6. september 2020
Flutt 06.09.2020
Ingibjörg Sólrún Gísladóttir, fyrrverandi forstjóri lýðræðis- og mannréttindastofnunar ÖSE, segir það orka mjög tvímælis að Róbert Spanó forseti Mannréttindadómstóls Evrópu, þiggi heiðursdoktorsnafnbót við háskólann í Istanbúl. Það setji blett á traust þeirra Tyrkja sem þurfi að leita réttar síns til dómstólsins.
Einn lést og tveir særðust alvarlega í hnífaárás í miðborg Birmingham í nótt. Upptökin virðast vera hópslagsmál sem fóru úr böndunum.
Þrír greindust með Covid-19 hér innanlands í gær. Allir voru í sóttkví. Slakað verður á samkomutakmörkunum á morgun.
Geysiöflugur fellibylur gengur nú yfir suðurhluta Japans. Milljónum hefur verið skipað að yfirgefa heimili sín.
Þrátt fyrir bágt atvinnuástand í landinu gengur nokkrum fyrirtækjum á Austurlandi illa að fá fólk til vinnu. Rekstrarstjóri furðar sig á því að bílstjórar á ferðamannarútum sem nú standa kyrrar - sæki ekki um störf.
Veðurhorfur: Suðaustan tíu til átján metrar, hvassast í vindstrengjum norðvestantil, og talsverð rigning sunnan- og vestanlands, en þurrt norðaustantil fram eftir degi. Vestlægari og úrkomuminni með kvöldinu. Hiti átta til sextán stig, hlýjast norðaustantil. Vestan fimmtán til tuttugu og þrír um austanvert landið í nótt og á morgun, en heldur hægari vestantil. Rigning norðanlands og slydda til fjalla, stöku skúrir syðra, en þurrt fyrir austan og kólnar heldur. Lægir heldur vestanlands annað kvöld.
Hádegisfréttir 05. september 2020
Flutt 05.09.2020
Tæplega fimmtugur karlmaður, sem nýverið var dæmdur fyrir kynferðisbrot gegn fatlaðri konu í starfi sínu í skammtímavistun á Holtavegi, var tilkynntur til lögreglu vegna gruns um annað brot á sama stað. Málið var látið niður falla. Borgin harmar málið og hefur breytt verkferlum.
Donald Trump Bandaríkjaforseti segist ekki hafa séð neitt sem sanni að rússneska stjórnarandstæðingnum Aleksei Navalny hefði verið byrlað eitur. Gögn þessa efnis voru kynnt á fundi Atlantshafsbandalagsins í gær.
Alþingi samþykkti í gærkvöld að veita Icelandair 15 milljarða ríkisábyrgð. Átta þingmenn greiddu atkvæði gegn málinu þar á meðal Sigríður Á Andersen þingmaður Sjálfstæðisflokks og fyrrverandi dómsmálaráðherra.
Formaður Neytendasamtakanna segir breytilega vexti bankanna ekki standast lög og krefst þess að þeir leiðrétti hlut lántakenda
Einn greindist með kórónuveirusmit hér á landi í gær. Hann var ekki í sóttkví.
Íslenska karlalandsliðið í fótbolta mætir Englendingum í Þjóðadeildinni á Laugardalsvelli í dag
RÚV - Efstaleiti 1, 103 Reykjavík - Sími: 515 3000 Fax: 515 3010 - © RÚV 2020