Menning á RÚV
Bækur og staðir
 |
Egill Helgason tengir bækur við ýmsa staði á landinu.
Jóhann Gunnar Sigurðsson
Í þessum þætti segir Egill Helgason okkur frá skáldinu Jóhanni Gunnari Sigurðssyni, sem ólst upp á Snæfellsnesi en lést langt fyrir aldur fram, aðeins 24 ára gamall. Jóhann Gunnar sótti nám við Lærða skólann, naut mikils álits samnemenda sinna og þótti afar efnilegur. Ljóst er að Jóhann Gunnar hefði getað skipað sér sess meðal okkar þekktustu skálda, slíkir voru hæfileikar hans og tilfinninganæmi en verk hans rúmast öll í einni lítilli bók. Jóhann veiktist af berklum sem urðu honum loks að aldurtila. Jóhann Gunnar hvílir í gamla kirkjugarðinum í Reykjavík við hlið annars skálds, Sigurðar Breiðfjörð.
Endursýnt: 04.12.2021 18.45
08.12.2021
Endursýnt: 08.12.2021 16.50
Arnarstapi
Egill skoðar styttu af Bárði Snæfellsás á Arnarstapa og rifjar upp ævintýralega Íslendingasögu sem segir af Bárði. Hann kom frá Noregi og átti margar dætur. Elsta dóttir hans, Helga, var dag einn að leik við frændur sína þegar þeir hrintu henni út á ísjaka og rak hana alla leið til Grænlands. Á Arnarstapa er einnig glæsilegt amtmannshús, sem er eitt elsta hús á Íslandi. Egill rifjar upp gamlar ritdeilur og níðvísur frá fyrri tíð, þar sem fyrir koma meðal annars Jónas Hallgrímsson og Sigurður Breiðfjörð.
Endursýnt: 11.12.2021 18.45
12.12.2021
Í þættinum röltir Egill Helgason um Skólavörðuholtið í Reykjavík og ræðir sögu Skólavörðunnar.
Sýndar eru gamlar ljósmyndir af Reykjavík og svæðinu í kringum Skólavörðuholt, ljósmynd af Sigurði málara, Árna Óla.
Kristján Franklín Magnús les úr texta hans um Skólavörðuna. Einnig er birt ljósmynd af Sverri Runólfssyni sem byggði Skólavörðuna og lesið er brot úr Sjömeistarasögunni eftir Halldór Laxness og texta eftir Jón Jónsson frá Hvoli.
Dagskrárgerð: Ragnhildur Thorsteinsson.
Endursýnt: 12.12.2021 18.50
Möðruvellir
Egill Helgason heimsækir ólíka staði á landinu og fjallar um ritverk og höfunda sem þeim tengjast. Möðruvellir í Hörgárdal er sögufrægur staður. Þar var áður klaustur og skóli og þar felldi Skáld-Rósa hug til Páls Melsteð og orti til hans Vísur Vatnsenda Rósu sem flestir þekkja. Bjarni Thorarensen skáld var amtmaður á Möðruvöllum. Hann er talinn fyrsti íslenski rómantíkerinn, en þótti hinsvegar vera leiðinlegur embættismaður. Egill rifjar upp ljóð hans Þú nafnkunna landið og söguna af því þegar Bóluhjálmar var leiddur fyrir hann vegna þjófnaðarmáls. Þeir eiga þá að hafa drukkið saman eitt kvöld, en finna má lýsingar af þeim fundi í sagnaþættinum Feigur Fallandason eftir Sverri Kristjánsson sagnfræðing.
Endursýnt: 09.01.2022 17.55
RÚV - Efstaleiti 1, 103 Reykjavík - Sími: 515 3000 Fax: 515 3010 - © RÚV 2021